الرئيسيةدخولالتسجيلالتسجيل

شاطر | 
 

 ازاي يتم الجواز في مصر؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شمس الحياة





مُساهمةموضوع: ازاي يتم الجواز في مصر؟؟؟؟؟؟؟   3/8/2009, 09:05


السلام عليكم و رحمة الله و بركاته


اية رايكم نتفرج سوا ازاي كانوا بيتم الجواز عندنا في مصر ,,:
من اياااااااااااااااام الفراعنة لحد عصرنا الحالي :
يلا بينا نشوف اية اللي كان بيحصل !!!!!
علي بركة الله نبتدي



مصر الفرعونيه
- بابا انا عايز اتجوز اختى حت حور
- خلاص يا ابنى خليها تنقل حاجتها فى قوضتك .. وابقى هاتلها حجرين صوان هدية .. مبروك يا تاح............ ......... .....



مصر فى عصر الرومان
- تتجوزينى يا افروديت
- اتجوزك يا بانسيلوس
- يللا بينا نبنى كوخ ع البحر ونعيش هناك
- يللا
............ ......... .......


مصر بعد الفتح الاسلامى
- ولدى خالد يا شيخ احمد بيريد يتجوز ابنتك البكر الكريمة .. وبيبنى خيمة .. ويقدم مهر بعير
- والله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم " ان جاءكم من ترضون دينه وخلقه فزوجوه " .... قيموا الافراح
............ ......... ......



مصر 1919
- انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
- طب مش اشوفها الاول يا با
- انت اتجننت يا ولد تشوفها ده ايه .. انت ح تتجوز والا تخبص
- حاضر يا با
............ ......... ........




مصر 1960
- بقى يا ستى بنتك آمال جالها عريس
- ياألف نهار ابيض يا ألف نهار مبروك
- جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
- الرأى رأيك يا أبو العروسة .. والله العيال ح يعجزونا يا ابو محمد
- فشر .. تدبل الوردة وريحتها فيها يا نرجوستى
............ ......... .........


مصر فى عصر الانفتاح
- اخرسى يا بنت ... انا اللى يتجوز بنتى لازم يكون عنده شقة تمليك وعربية وسوبر ماركو
- بس يا ماما
- ما فيش بس .. انا وابوكى قبل ما يموت فى الحرب كانت بتعدى علينا ايام ما بنلاقيش ناكل .. انا يا بنتى مش عايزاكى تتعذبى زى ما احنا اتعذبنا .. انتى ح تتجوزى فتحى ابن خالتك
- بس انا مش بحبه يا ماما
- الحب ما بيأكلش تونة فى الزمن ده يا فالحة
- امرك يا ماما
............ ......... ...
الرجوع الى أعلى الصفحة اذهب الى الأسفل
شمس الحياة





مُساهمةموضوع: رد: ازاي يتم الجواز في مصر؟؟؟؟؟؟؟   3/8/2009, 09:06

مصر 2009


المشهد الاول
نهار خارجى ... احد الكافيتريات المغلقة ... موسيقى هادئة تملا المكان
حسن : يا حبيبتى انا مرتبى 250 جنية بعد الضرايب والمستنقعات .. وبعد الشغل بحاول اعمل اى مصلحة يعنى باصفى فى الشهر حوالى 400 450 ... وما عنديش شقة ومش محوش ولا مليم .... اهلك عمرهم ما ح يوافقوا بيه
احلام : ياحسن يا حبيبى بابا وماما متفاهمين جدا ... وما يهمهمش غير سعادتى ... الفلوس دى آخر حاجة ممكن يتكلموا فيها
حسن : انتى شايفة كده ... ماشى .... حددى لى ميعاد مع باباكى الجمعة الجاية الساعة 6
............ ......... ......... ......... ..



المشهد الثانى
فى منزل احلام ... منزل قديم .... فرش متواضع جدا .. يجلس الاب الذى يبلغ من العمر الثالثة والستين .... وبجواره العم 55 عاما ... والخال 56
الخال : منورنا والله يا استاذ حسن
حسن : ده نورك يا عمى
الاب : فين الشاى يا ام احلام
ام احلام من بعيد : جاية اهه يا ابو احلام

الاب : ها يا ابنى .. ح تدفع كام وتشيل
حسن : اللى تأمر بيه يا عمى
الاب : الامر لله يا ابنى .. احنا مش طالبين كتير .. شقة تمليك فى اى حتة تكون نضيفة .. ومهر 25 الف جنية يا دوب ده احنا ح نحط ادهم مرتين علشان نجيب العفش وانت ح تجيب الاجهزة والسجاد وحاجة المطبخ والستاير والذى منه .. وح تجيب شبكة بزيهم .. طبعا انت عارف ان الدهب غلى يعنى مش ح يجيبوا حاجة بس انت وذوقك بقى .. مش كده والا ايه يا ام احلام
ام احلام : آه يا أخويا دى عفاف بنت خالتها خطيبها جايبلها شبكة بخمسين الف جنية .. ده غير الاجهزة الحديثة اللى جايبهالها معاه وهو جاى من السفر
الاب : اما الفرح فى قاعة صغيرة بس طبعا لازم تساع الحبايب واحنا حبايبنا كتير .. والقايمة والمؤخر طبعا انت سيد العارفين .. وفى الاول والآخريا ابنى .. احنا بنشترى رجالة
حسن : بس يا عمى انا ممعاييش المبالغ اللى حضرتك بتتكلم فيها دى
الاب : اللى ممعهوش مايلزموش يا ابنى .. واحنا فى الاول والآخر بنأمن لبنتنا حياة سعيدة .. امال عايز تاخدها رخيصة والا ايه؟
حسن : يا عمى لو بنتك رخيصة ما كنتش خبطت على بابكم .. وسكك الغلط فى الزمن ده سهلة .. واكتر م الهم ع القلب .. وبعدين احنا ممكن نلم الدور .. وحضرتك عارف ظروف الحياة اللى بنعيشها .. وانت لسه قايل بعضمة لسانك ان كل حاجة غليت .. والظاهر ان الانسان بس هو اللى عمال بيرخص
الاب : قصدك ايه؟
حسن : قصدى يعنى دبلتين .. وشقة قانون جديد على قد الحال .. ومهر ربع جنية .. واجيب انا عفش بيتى على قد فلوسى .. وفرح بسيط مش بهرجة ورقص ومسخرة .. ده احنا بنبتدى مع بعض علاقة نضيفة .. اجيب كمبيوتر اجيب تليفزيون .. اجيب تلاجة صغيرة والا كبيرة .. فى الاول والآخر احنا اللى ح نستعملها .. ولو باظت اكيد انا برضه اللى ح اجيب غيرها مش ح آجى واقولك هاتلى .. وحضرتك ممكن تاخد رايها على الكلام ده
الاب : انت جاى تشتمنى والا ايه ؟ .. احنا ما عندناش بنات تمشى كلامها على ابوها .. الظاهر انك جيت البيت ده غلط

حسن : لا ياحج انا طبعا ما جتش غلط .. بس ممكن اكون عايش فى زمن غلط .. مع ناس مش عايشة فيه .. وبعدين هو مش حضرتك مصرى برضه .. ومسلم طبعا ؟ .. يبقى انا ما جتش غلط .. انت اللى قاعد غلط وبتتكلم غلط فى غلط
الاب : احترم نفسك يا ولد
حسن : بلا احترم نفسى بلا نيلة بقى .. احترموا انتوا ظروفنا اللى انتوا حطتونا فيها .. احترموا انتوا دينكم اللى بتعتقدوه وبتعلموهولنا .. احترموا انتوا عقولنا بكلامكم اللى مالوش اى علاقة لا بالعقل ولا بالواقع
الاب : اطلع برة .. ده انا عمرى ما ح اجوزهالك حتى ولو على جثتى
حسن : حتى دى كمان غلط .. ولا تمت للحقيقة بصله .. والحدق يفهم .. سلامو عليكو
............ ......... ..

يخرج حسن من منزل احلام .. يسب ويلعن ويضرب الارض بقدميه .. بعد قليل يدق جرس هاتفه المحمول
حسن : ايوة
احلام : ايه يا حسن اللى انت هببته مع بابا ده
حسن : باباااااااااااا .. انا ماشفتش بابا يا طنط .. انا شفت نخاس بيبيع جارية فى سوق العبيد .. شفت جزار بيبيع معزة للى يدفع اكتر
احلام : ايه يا حسن الكلام ده انت بتغلط فيه .. طب وانا ذنبى ايه .. انا مش عايزة فلوس ولا دهب ولا حتى غسالة عادية .. هاتلى طشت ياحسن .. هاتلى قلة .. مش عايزة غير عشة وانسان احبه ويخاف علية واخاف عليه .. واظن ده من حقى انا مش مراهقة ولا طفلة .. انا عندى اربعة وعشرين سنة ...يعنى اقدر اتحمل مسؤلية قرارى .. واختار الانسان اللى ح يعيش معايا حياتى كلها تحت سقف واحد ... اهىء اهىء اهىء
حسن : خلاص بقى بطلى عياط حقك علية .. معلش انا كمان زعلان من اللى حصل واعصابى مشدودة
احلام : طب وح نعمل ايه دلوقت
حسن : العمل عمل ربنا اللى مايرضيهوش اللى بيحصل ده .. ده حتى حرام وظلم وافترا
احلام : طب ايه رايك يا حسن .. لو اسم نفسى كده وكده .. وتيجى تنقذنى ونتجوز
حسن : لا اااااااا .. انا فى عرضك .. الا ما الحقش انقذك وتروحى فيها .. وبعدين كده تبقى روميو وجولييت .. وانا ما ينفعش انهى القصة عليها .. ستين واحد ح يخش يقولى يا حرامى .. دى نهاية مفقوسة وقديمة حتى اسأل جدو شكسبير
احلام : طب ح نعمل ايه يا حسن؟
حسن : اهو كل واحد يقفلها براحته .. انا قلت اللى عندى خلاص


و ادي حال الجواز من ايام اجدادنا لحد ايامنا الجميل دي
ياعيني عليك يا حسن احلامك ضاعت في دوامة البلد
يارب تكون عجبتكم
الرجوع الى أعلى الصفحة اذهب الى الأسفل
اروى





مُساهمةموضوع: رد: ازاي يتم الجواز في مصر؟؟؟؟؟؟؟   3/8/2009, 09:11

اخرسى يا بنت ... انا اللى يتجوز بنتى لازم يكون عنده شقة تمليك وعربية وسوبر ماركو




ههههههههههههههههههههههههههههه

مشكوره حبيبتي شموسه على النكت الرائعه


تقبلي مرورري

--------------------





سأسير ولن أنظر للخلف، وسأدوس الأشواك لأكسرها حتى لا أشعر بها.




الرجوع الى أعلى الصفحة اذهب الى الأسفل
ألامــــير




مُساهمةموضوع: رد: ازاي يتم الجواز في مصر؟؟؟؟؟؟؟   3/8/2009, 12:10

هههههههههههههههههههههههههههههههه

طيب وبعديييييييين



فين الحل


طالما القصة مفتوحة

انا عاوز كل كل واحد وواحدة يقفلها بما يتراءى له


ولى عودة مع كل رد ان اراد الله
الرجوع الى أعلى الصفحة اذهب الى الأسفل
أمواج الصمت





مُساهمةموضوع: رد: ازاي يتم الجواز في مصر؟؟؟؟؟؟؟   3/8/2009, 14:36

المشهد الاول
نهار خارجى ... احد الكافيتريات المغلقة ... موسيقى هادئة تملا المكان

حسن : يا حبيبتى انا مرتبى 250 جنية بعد الضرايب والمستنقعات .. وبعد الشغل بحاول اعمل اى مصلحة يعنى باصفى فى الشهر حوالى 400 450 ... وما عنديش شقة ومش محوش ولا مليم .... اهلك عمرهم ما ح يوافقوا بيه
احلام : ياحسن يا حبيبى بابا وماما متفاهمين جدا ... وما يهمهمش غير سعادتى ... الفلوس دى آخر حاجة ممكن يتكلموا فيها
حسن : انتى شايفة كده ... ماشى .... حددى لى ميعاد مع باباكى الجمعة الجاية الساعة 6
............ ......... ......... ......... ..


ههههههههههههههههههههههههههههه

الحل ياروح امك تكلمي ابوك أبو دماغ نشفة دي

وتحاولي اتنين وتلاتة ربنا يهديه

وانا بحاول ادبر ارشين هااشتغل اي شغلانة

المهم انت عندي بالدنيا يااحلام حاااولي

وخلي ماما أم لسان طويل تقنعه هي قادرة والله ماازن فوووق دماغه

وماتججيب طاري لحد00جاتها نيلة معليش يااحلام سمحيني ع الكلمة دي بس انا مقهور من كلمتها 00ال 50 الف جنيه ال

انا لو تبعني بالسوق اسوى نصفهم00ماعلينا حاولي ونشوف بعد شهر نعمل اية

لي عودة بعد محاولاتهم000
الرجوع الى أعلى الصفحة اذهب الى الأسفل
عاشقة النبي





مُساهمةموضوع: رد: ازاي يتم الجواز في مصر؟؟؟؟؟؟؟   3/8/2009, 16:56

هههههههههههههههههههههههه روعة
الرجوع الى أعلى الصفحة اذهب الى الأسفل
 
ازاي يتم الجواز في مصر؟؟؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: أقسـام الترفـيه :: *النكــــت والطرائــــف*-
انتقل الى: