الرئيسيةدخولالتسجيلالتسجيل

شاطر | 
 

 الفرق بين الولد الفافي والولد البيئة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنت مصر




مُساهمةموضوع: الفرق بين الولد الفافي والولد البيئة   23/4/2010, 17:58

الطفل الفافي) و (الهاي لايف)


1-الولد من دول يصحى على صوت الكناري اللي في اوضته ....
- سو سو سو سو .... -

2-يدخل الحمام ياخد شاور .... ويغسل شعره بشامبو من ايطاليا ....
ويحط جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -

3- يطلع من الحمام يلاقي الداده مستنياه بفوطه من حريييييير ....
وتلاعبه وتهزر معاه بالانجليزي ....
- الداده معاها دكتوراه من جامعة اسفخص في لندن -

4-يخش على اوضته ... ويفتح الدولاب ويطلع منه هدومه المكويه واللي
ريحة اريال باينه فيها .....
- اريال .... نسيم الصباح -

5- يجيب جزمته من الجزامه ... اللي مليانه جزم وكوتشيهات ...
وسبوووز .....
- تقولش دخلت محل لطفي أو توكيل تمبرلاند -


6- ينزل يفطر مع مامي ودادي ... والفطار كورن فليكس بطعم
الستروبوري او الشوكولات .....
- كورن فيليكس كلووقز .. مش بسكو مصر -

7- يسلم على مامي ويبوسها بعد ماتكون حطتله ديناربوكس بتاعه وفيه
.... ساندوتشين تشيزبرجر و كيس شيبسي و عصير جهينه او ايزي موزوو
- ايزي مووزو !!!! فاكرين الاعلان ده ؟؟؟ -

8- يسلم على دادي اللي يديله البوكيت موني بالدولار ..... مش
يعرفو حاجه اسمها جنيه طبعا
- جنيه ؟؟؟؟ دي عملة انكردت من زمااان -

9- يطلع من البيت بعد الداده ماتلبسه الشنطه بتاعة الكتب على ضهره
..
- بنشوف الشنطه دي مع الخواجات في شرم وبس -

10- يركب الباس بتاع السكول .... ويشاور (باي باي) للداده ولمامي
... ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -

^^^^^^^^^^^^
: *الطفل البييييئه

1- دييييييييب .... اخوه رمى عليه طوبه عشان بقاله ساعتين بيصحي
فيه ... وهو ولا هنا ...
- طبعا .. مقضيها صرمحه في الشارع للفجر -


2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر
....
- بدل تمارين الصباح ... رياضه برضه -

3- طبعا بعد الخناق ده بيبقى جعان .... تلاقيه بيحوم في الشقه
ويدوّر في المطبخ على اي حاجه .... انشالله صرصار .. برضه هاياكله
من الجوع
- عشان كده ماتلاقيش في بيتهم صراصير -

4- بعد ما يحط في بطنه اي حاجه في رغيف ... يدور على اي حاجه
يلبسها .... القميص مرمي تحت السرير ... ويقلع اخوه الصغير
البنطلون بتاعه وهو نايم ...
- هدومه كلها مكرمشه ... تقولوش طالعه من بق كلب -

5- طب وبعدين .... ساعتين بيدور على الجزمه ... مش عارف رزعها فين
... واخوه الكبير خارج من البيت حافي كمان عشان مايقولش انه خدها
... افتكر اخيرا انه حاطط فرده منهم فوق الدولاب .... والتانيه
... تحت التلاجه !!!!!!
- طبعا ما يعرفش اختراع اسمه الشرابات -

6- دلوقتي معاد حرب كل يوم ..
: ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: في دي ..... دييييب ...
- ضربة بالحله على نافوخه -

7- الباشمهندس الصغير .... مايعرفش فين كتبه ولا كشاكيله اصلا
.... عشان كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -

8- هايروح مدرسته ازاي ؟؟؟ طبعا اي ميكروباز او عربيه نقل وقضيها
شعبطه ....
- ليااااااااااااااااااااااااااااقة -

^^^^^^^^^^^^^^^^
.... في طابور المدرسه ....
^^^^^^^^^^^^^^^^


: (*الطفل الفافي (الهاي لايف


1- العيال كلهم واقفين في صفوف شكلها يفرح .. ده غير ريحتهم اللي
زي الفل
- نضافه رباااااااااني -

2- الطابور كله تمارين ونشاط ....
- (على انغام الدي جي (ياسر شاكر -

3- (الاذاعه المدرسيه ... اخبار من مجلات (واشنطون بوست
- وطبعا .... مافيش ترجمه -

4- (يغنو النشيد الوطني بقيادة المايسترو (سليم سحاب
حسن كامي) ... كان بيغنيه)-
- معاهم قبل ما ربنا يفتح عليه

5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -

^^^^^^^^^^
*الطفل البيئه :


1- داخل المدرسه متأخر وحالته نيله
- (اتشعبط في مكروباز (شبرا) ... ومدرسته اصلا في (الحلميه -

2- بعد التذنيب والشتيمه من مدرس الألعاب (حسن أبو شفه) ... انضم
لباقي زمايله في المعتقل ... سوري ... زمايله في المدرسه
ولا واحد منهم فاهم هو فين أصلا ... - واتضح ان صاحبنا أكتر واحد
- شيييك فيهم

3- (الأثاحه الملثيه .....----> تحريف لكلمة (الاذاعة المدرسيه
...
- تخيلو انتو باقي الأخبار بقى -

4- النشيد الوطني اللي هم بيقولوه .... بتاع دوله مجهوله ...
ونفسي اعرف ايه هي؟؟؟
- طبعا على موسيقا آلات النفخ ..... الشيشه -

5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -
^^^^^^^^^^^^^^^^^^^^^^^^^
بعد المدرسه ما تخلص ... بيرجعو على بيوتهم
بنفس الاسلوب .... ونشوف يومهم عامل ازاي دلوقتي
^^^^^^^^^^^^^^^^^^^^^^^^^^^^
: *(الطفل الفافي (الهاي لايف

1- يرجع من السكول تكون الداده في استقباله ... وتشيل منه الشنطه
... ويغسل وشه ويغير هدومه
- والله العظيم ... وشه انضف من ما كان طالع الصبح أصلا -

2- - بعد ما اتشطف .... وإتصبّن - الكلمه دي متعوب عليها على فكره
يقعد يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -

3- هاني ... دينر از ريدي
- السيييم بتاعهم لما يجهز الغدا -

4- بعد الغدا ... يشرب كبايه (اورانج جووس) وينام ساعه عشان يعرف
يذاكر ويحل الهوم وورك
^^^^^^^^^^^^^^
: *الطفل البييئه

1- أخينا رجع من المعتقل ... او المدرسه زي مابيقولو عليها ...
وهدومه كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان -

2- امه لسه ماخلصتش الغدا ...
النهارده امه دابحه دكر جبنه بيضه ...- واحتمال
- يكون في فول بالصلصه

3- ترااااادااترااااااااااااااااااااااااا ...
- < دي اعلان الحرب ... أو الغدا < هجووووووووووم -

4- بعد اكلة الفول بالصلصه ومعاه فحلين بصل ... عادة ما يعقبها
احساس بالضياع
- تنااااااااحه ... فور آيفير -

بعد حالة التناحه او النوم دي ... بيجي وقت الشده ... ياترى
الحياه معاهم - الطفل الفافي .. والطفل البييئه - عامله ازاي ؟؟؟؟
^^^^^^^^^^^^^^^^
: *(الطفل الفافي (الهاي لايف

1- يقوم من النوم على صوت الداده ... الهادي طبعا .. عشان يقوم
يذاكر مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -

2- بعد ما يخلص المذاكره وتحضير دروس تاني يوم .... مامته تاخده
(النادي عشان يلعب رياضه (باسكت او تنس) و احتمال (سكواش
مشتركين في نادي المعادي والصيد والشمس ... - ده غير سبورتنج في
- الصيف

3- يرجع من النادي ... ياخد دش ويحضر شنطته وينزل يتفرج على شانل
تو
- شانل تو بتاعة الام بي سي ...- مش بتاعة مصر طبعا

4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -

5- ينام على صوت الداده وهي بتغنيله اغنيه رومانسيه ... وفي حضنه
الدبدوب اللي جاله في عيد ميلاده
- ملاك نايم يا اخواتي -
^^^^^^^^^^^^^^^^^^^^^
: *الطفل البيييئه

1- يفوق من حالة التناحه من الفول والبصل على صوت حد من صحابه ...
عشان ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد -

2- يرجع بيتهم وهو بيجري وهدومه متقطعه ودماغه واخده بتاع تلاتين
(قلم على سهوه .... عشان شاط الكوره وكسر القزاز بتاع محل (عم سيد البقال
- الراجل ده من كتر القزاز بتاعه ما اتكسر ... هايفتح مصنع قزاز -

3- اخته جابته عشان يحل الواجب ويذاكر ... بس مامعاهوش قلم ...
قام نزل الشارع عشان يجيب قلم
- آدي دقني لو جاب ولا حتى رجع من أصله -

4- على الساعه 2 الفجر ... باب بيتهم بيخبط .. وامه فتحت الباب
شافت جارهم
دماغه متعوره وجايب لها المحروس اللي كان بيلعب حرب بالطوب وفتح
دماغه
- تقولش طفل من أطفال الانتفاضه -

5- ساب امه وابوه وهم بيصالحو جارهم وبيبوسو ايده عشان ما يعملوش
محضر .... واتسحّب المفعوص على المطبخ جاب حتة جبنه وطماطمايه
ورغيف معفن .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل -
و طبعا تاني يوم هيصحى على نفس النمط و يمكن أسوأ
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: الفرق بين الولد الفافي والولد البيئة   23/4/2010, 18:54

ههههههههههههههههههههههههههههههههههههههههههه

بداية جميلة يابنت مصر

مرحبا بكى

نورتى المنتدى
الرجوع الى أعلى الصفحة اذهب الى الأسفل
أمواج الصمت





مُساهمةموضوع: رد: الفرق بين الولد الفافي والولد البيئة   23/4/2010, 20:05

نورتي المنتدى حبيبتي
ولك مني فائق التحية

لاعدمنا جديدك غاليتي
الرجوع الى أعلى الصفحة اذهب الى الأسفل
لحن الحياة





مُساهمةموضوع: رد: الفرق بين الولد الفافي والولد البيئة   23/4/2010, 21:08

شكرا على الموضوع الرائع
الرجوع الى أعلى الصفحة اذهب الى الأسفل
*rody*





مُساهمةموضوع: رد: الفرق بين الولد الفافي والولد البيئة   23/4/2010, 21:48

هههههههههههههههههههههههههههههههههه

هههههههههههههههههههههههههههههههههههههه

ههههههههههههههههههههههههههههههههههههههههههههههههههه

فعلا فرق شااااااااااسع جدااااا

تسلم ايديكي يا بنت مصر

على البداية الرائعة والظريفة

نووووووووووووووووورتي المنتدى يا عسولة
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: الفرق بين الولد الفافي والولد البيئة   23/4/2010, 23:12

اى والله فرق كبير جدا

ههههههههههههههههههههههههههههههههههههههههههه

ميرسى بنوته مصر الجميلة

لا عدمنا جديدك الرائع يارب

نورتى المنتدى

ودمتى معنا
الرجوع الى أعلى الصفحة اذهب الى الأسفل
شمس الحياة





مُساهمةموضوع: رد: الفرق بين الولد الفافي والولد البيئة   24/4/2010, 19:04

ههههههههههههههههههههههههههههههههههههههههههه

جميل جدا الموضوع والفرق كبيييييييييير جدا

ومنورة يا أحلي بنوتة في مصر كلها

لاعدمنا تواجدك معانا يارب

دمتي بحب ياسكرة
الرجوع الى أعلى الصفحة اذهب الى الأسفل
بنت مصر




مُساهمةموضوع: رد: الفرق بين الولد الفافي والولد البيئة   25/4/2010, 00:45

ميرسي على مروركم العطر
ونورتوا صفحتي
ومتقطعوش بينا بقى وكرروا الزيارة الخفيفة دي مرة تاني
الرجوع الى أعلى الصفحة اذهب الى الأسفل
مهنووود





مُساهمةموضوع: رد: الفرق بين الولد الفافي والولد البيئة   25/4/2010, 02:01

طب و البنات نفس النظام ده ولا ايه ؟ ^^

و بعدين هوا مفيش واد نص كم كده شوية من ده علي شوية من ده كوكتيل :]

شكرا ليكي بنت مصر
نورتي المنتدي و اهلا بيكي
الرجوع الى أعلى الصفحة اذهب الى الأسفل
sa7ar





مُساهمةموضوع: رد: الفرق بين الولد الفافي والولد البيئة   25/4/2010, 05:49

هههههههه
بجد فرق كبيييير
ومرسي يا بنت مصر على البدايه الجميله دي
اهلا بيكي يا بنت مصر نورتي المنتدي
تحياتي
الرجوع الى أعلى الصفحة اذهب الى الأسفل
بنت مصر




مُساهمةموضوع: رد: الفرق بين الولد الفافي والولد البيئة   25/4/2010, 18:29

ميرسي عمر وسحورة على مروركم
ونورتوا صفحتي يا أهلاوية يا جامدين موووووووووت
الرجوع الى أعلى الصفحة اذهب الى الأسفل
 
الفرق بين الولد الفافي والولد البيئة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: أقسـام الترفـيه :: *النكــــت والطرائــــف*-
انتقل الى: