الرئيسيةدخولالتسجيلالتسجيل

شاطر | 
 

 الشات عام 2090 ...!!!!؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
*rody*





مُساهمةموضوع: الشات عام 2090 ...!!!!؟؟؟؟؟   4/6/2010, 01:06

بسم الله الرحمن الرحيم
فرافيرو: هاي
سكاموني:هاي إنت جبت إيميلي منين
فرافيرو: من موقع احلم بمجرتك بعد ثانيتين دوت كوم !!!!
سكاموني: طيب
فرافيرو: ممكن نتعرف؟
سكاموني: طبعاً ممكن
فرافيرو: أنا فرافيرو من الأرض 4 سنين عميد كلية السفن الفضائية في الزهرة وإنت؟
سكاموني: أنا سكاموني من زحل 5 سنين ونصف عالمعاش كنت شغَّال في الطاقة الهيدروجينية في نيبتون قبل الحرب
فرافيرو: أهلاً بيك يا سكاموني إنت طالع معاش من إمتى؟
سكاموني: من 6 شهور تقريباً
فرافيرو: يا حرام !! 6 شهور بحالهم وعملت إيه يا مسكين في العمر دة؟
سكاموني: أبداً والله000 معظم وقتي على النت الفضائي أو للرحلات بين زحل والمشترى والقمر وساعات المريخ
فرافيرو: ياة دة إنت حياتك صعبة قوي ربنا وياك
سكاموني: وإنت متى ستبلغ سن المعاش؟
فرافيرو: لا أنا لسة بدري عليا قوي لسة سنة بحالها
سكاموني: يا بختك يا فرافيرو
فرافيرو: بس إنت جميل قوى في الكاميرا وباين عليك الشباب ولا كأنك شاب عنده سنة ونصف
سكاموني: دة بفضل الجهاز إلي إشتريته إمبارح من القمر بمجرد ما تدخل جواه يظبط لك شكلك وجسمك ويمحي علامات الشيخوخة التي تظهر بعد سن 4 سنين
فرافيرو: بكام جبته ؟
سكامونى: ب80 مليار قلحة عملة التبانة !!!!!
فرافيرو: بس دة رخيص قوي!
سكاموني: أصله مش مستورد دة تقليد إنما الأصلي المستورد من مجرة تانية هتلاقيه أغلى بكتير
فرافيرو: لا إحنا عاوزين نشجع صناعة مجرتنا وشعارنا هو صنع في التبانة!
سكاموني : عندك حق برضه 00000هي إيه الدوشة إلي سامعها حواليك دي ؟
فرافيرو: لا أصل العيال أحفادي عاملين هيصة 000 عيال أشقية قوي الكبير فيهم عنده 5 شهور عقبال عندك نجح في الثانوية العامة إمبارح وجاب تقدير يدخله كلية عابرات المجرات في بلوتو
سكاموني: ألف مبروك لحفيدك أنا هبعتله هدية دلوقتي بالقمر الطبيعي 000هبعتله سفينة فضاء هدية
فرافيرو: ولو إنه عنده كتير لكن هات مش هيقول لأ!!!
سكاموني: هه وصلت؟
فرافيرو : أة وصلت ميرسي جداً
سكاموني:قولي بقى إيه آخر الأخبار عندكوا في الأرض؟
فرافيرو: في خبر لسة سامعه من شوية خلاني عملتها على نفسي من الضحك!!
سكاموني:خبر إيه؟ 00 ضحكني
فرافيرو(ضاحكاً): بيقولك يا سيدي إن علماء الآثار في قطعة أرض قديمة قوي كانت إسمها أمريكا عثروا على جسم واحد من أوائل القرن تخيل؟!!!!
سكاموني: يااااااااااااااااااااااااااااااااااااااااااااااااا ااااااه000 هو لسة في أثر للناس البدائية دي؟!
فرافيرو:لا وإيه 000الإختبارات أكدت إنه كان رئيس لدولة كان إسمها أمريكا وأسمه بوش وكانت متحكمة في العالم على أيامهم
سكاموني: فكرتني بالإحتفال إلي عملوه من يومين لأكبر معمر في المجرة وكان إحتفال إسطوري
فرافيرو: أكبر معمر فى التبانة00 ليه هو عنده كام سنة؟
سكاموني : تخيل فضل عايش لغاية ماعمره وصل 13 عاماً!!!!!!!!!!!!!!
فرافيرو: ياااااه 000 معقولة؟! إزاي وصل للعمر دة وحالته كانت إيه؟ احكيلي
سكاموني: هو كان بيموت بقاله 6سنين بس فضل في مستشفى الحياة الأبدية في عطارد ويحاول الأطباء جيل بعد جيل إنهم يجعلوه عايش أكتر مدة ممكنة ولما وصل للسن الكبير قوي دة(13 سنة) عملوا له إحتفال أسطوري حضره كل ملوك ورؤساء التبانة وإتنقل على الهواء بالقمر الطبيعي على كل الشاشات السماوية لكل سكان التبانة 0000هو إنت ماشفتوش؟
فرافيرو: لا أصلي كنت في مجرة تانية بصيِّف !! المهم هو عامل إيه دلوقتي؟
سكاموني: لأ ماهو الراجل ما إستحملشي إنه يشوف الإحتفال دة ومات في ثانيتها(بدل في ساعتها!)
فرافيرو: يا عم كفاية عليه 13 سنة هو إيه هياخد زمنه وزمن غيره كمان!! بس إحنا نكمل ال8 سنين ونحمد ربنا على كدة!
أخبار الحرب في نيبتون إيه؟
سكاموني: آخر الأخبار إن رئيس أورانوس أعلن إنه هيسحب سفنه الفضائية وجيشه الآلي من نيبتون بعد هدنة مع رئيسها لمدة 3 أيام
فرافيرو: أهي مدة كافية عشان ينمُّوا بلادهم من تاني!!!
سكاموني:على رأيك
فرافيرو : أنا سعيد جداً بمعرفتك وإن شاء الله نتقابل في أى كوكب قريباً
سكاموني: أكيد طبعاً
فرافيرو: أنا هستأذن دلوقتي عشان ورايا محاضرة مهمة بعد دقيقتين في الزهرة وسائق الصاروخ وصل فوق وعمال يضربلي فى شظايا(بدل الكلاكسات)عشان أطلع له
سكامونى: طيب هشوفك إمتى تاني؟
فرافيرو: بعد 25 دقيقة لأني مشغول قوي
سكامونى: ياااه بس دة كتير قوي 00على العموم حاول تيجي بدري عن كدة
فرافيرو: حاضر هحاول
باي
سكامونى: باي
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: الشات عام 2090 ...!!!!؟؟؟؟؟   4/6/2010, 15:01

هههههههههههههههههههههههههههههه

مش بعيد

ليه لا

كل شئ جايز
الرجوع الى أعلى الصفحة اذهب الى الأسفل
أمواج الصمت





مُساهمةموضوع: رد: الشات عام 2090 ...!!!!؟؟؟؟؟   4/6/2010, 16:21

نسأل الله السلامة والعافية
ونرجوا الهداااااااااااية للجميع

مشكورة يااغلى رووووووووووودي
وتقبلي مروري
الرجوع الى أعلى الصفحة اذهب الى الأسفل
العاشقة مريم





مُساهمةموضوع: رد: الشات عام 2090 ...!!!!؟؟؟؟؟   4/6/2010, 20:37

هههههههههههههههههه

حد عارف النت هيعمل فينا اية

هههههههههههههههههههه

ولا هيودينا لفين

حسبى الله ونعمة الوكيل

هههههههههههههههههههههه

مشكورة يارودى

مع تحياتى
الرجوع الى أعلى الصفحة اذهب الى الأسفل
*rody*





مُساهمةموضوع: رد: الشات عام 2090 ...!!!!؟؟؟؟؟   4/6/2010, 22:47

امير

موجة

مريومة

اشكرك على مروكم الحلووو

داااامت ضحكتكم الحلووووووة
الرجوع الى أعلى الصفحة اذهب الى الأسفل
الوردة الحمراء





مُساهمةموضوع: رد: الشات عام 2090 ...!!!!؟؟؟؟؟   7/6/2010, 15:09

ههههههههههههههههههههههه

جميلة جدا يا رودى

دمتي بحب
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: الشات عام 2090 ...!!!!؟؟؟؟؟   12/6/2010, 17:57

ههههههههههههههههههههههههههههههههههههههه

اى والله مش بعيد يحصل بس بعد زمننننننننننن

ميرسى يا جميل
الرجوع الى أعلى الصفحة اذهب الى الأسفل
 
الشات عام 2090 ...!!!!؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: أقسـام الترفـيه :: *النكــــت والطرائــــف*-
انتقل الى: