الرئيسيةدخولالتسجيلالتسجيل

شاطر | 
 

 كيف تستغل الغرف الزائدة بمنزلك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
smoll fefe




مُساهمةموضوع: كيف تستغل الغرف الزائدة بمنزلك   11/7/2010, 13:53

السلاام عليكم

المهم بوريكم بعض الأفكار اللي حبيتها وأحسها مهمة وممتعة لكل أفراد الأسرة
ممكن تسوون هالافكار لما يكون البيت فيه غرف إضافية يعني زيادة عن غرف النوم والصالات، بدال لا تسوين صالة حمرة وصالة خضرة وصالة زرقة سوي صالة وحدة والأماكن الثانية استفيدي من هالأفكار

أول فكرة: غرفة الغسييل
يكون فيها غسالة ونشافة وأوتي وأماكن تعليق وأرفف للصوابين وجذي وأبيهاا مرتبة وشرررررحة تفتح النفس مثل هالصورة ولاحظو التلفزيوون

ثاني فكرة: غرفة لعب لأطفالي
ودي تكون كبيييييرة عشان يلعبون ويركضون براحتهم وحطي لهم كل الالعاب اللي يحبوونها حتى لو ما قدرتي تطلعينهم بالويك اند الا يقدرون يلعبون ويستانسون، ولما يكبروون حطي فيها العاب كبار يعني بيبي فوت وهوكي وتنس طاولة مثلا


ثالث فكرة: سينما منزلية
سوي لها جو للإضاءة وقنفات مريحة وبروجكتر وسماعات حواليها واشتري مكينة بوبكورن والله ونااااسة وكدي الهندي كل يوم يوصل لج أفلام على محطمتني هالفكرة لأني أموت بالأفلام
تقدرين تسهرين فيها وتحطين فلم عائلي،، ويوم مع رفيجاتج ولا بنات خالتج تحطون افلام بنات و الشباب أفلام أكشن


رابع فكرة: نادي منزلي
تقدرين تقضين على مشكلة السمنة وأخيرا وتحافظين على رشاقتج انتي وانت حطي غرفة أرضيتها خشب وأجهزة رياضية وتلفزيون ولعبوا رياضة 3 مرات بالاسبوع


خامس فكرة: حديقة في السطح
هذي الفكرة مالها شغل بالغرف الزايدة بس نفس الفكرة ان تستغلين مساحة السطح وتسوينه مكان حلوو بدل ماهو فاضي
طبعاً الله يعافي الزرع والحشيش الصناعي مريح وما يبيله متابعة واحد يسقيه وحطي مظلة وطاولة وكراسي وحطي باربكيو الله ونااسة خوش عشا باربكيو في الهواء الطلق لي صار الجو حلوو

الفكرة السادسة: غرفة مكتبة
يكون فيها مكتبة للكتب ومكاتب حق المذاكرة عشان تدرسون بهدوء وممكن كمبيوتر وقنفة للقراءة وحلاتها تكون شرحة ومضيئة عشان التركيييز




الفكرة السابعة: هذي لج يا البنت الحلوة
تكون تقريباً صالون منزلي تحطين تسريحة أم الليتات وناسة وديكور حلو وشرح وقنفة ومكياج وعدة الشعر والأظافر وكلشي تحتاجينه للعناية بجمالج وممكن جهاز البخار مال حمام الزيت وكلشي وتحطين تلفزيون بالطوفة وديكور مرتب ووناسة كل ما بغيتي تسوين شي تعزمين خواتج وبنات خالتج وتدقون عالصالونات اللي ايونكم البيت وتسوون كلشي وممكن بروحج تدلعين نفسج





الفكرة الثامنة: غرفة الخزانة
سووغرفة كبتات حلوة بديكور حلو وترتيب رااائع يعني كل شي معروض ما تحوسون بالكبت تدورون وهذي أمثلة

















لطشته لعنونكم
الرجوع الى أعلى الصفحة اذهب الى الأسفل
اوتار الكمان





مُساهمةموضوع: رد: كيف تستغل الغرف الزائدة بمنزلك   12/7/2010, 01:49

ملطووووووش يحوى افكار مميزة

مشكورة يافيفى

لاعدمنا جديدك ياقمر

دمتى بود
الرجوع الى أعلى الصفحة اذهب الى الأسفل
شمس الحياة





مُساهمةموضوع: رد: كيف تستغل الغرف الزائدة بمنزلك   22/7/2010, 22:57

مرسي كثير ياقمر علي لطشتك الجميلة

موضوع مفيد جدا

لاعدمنا مجهودك المتميز يارب

دمتي بحب
الرجوع الى أعلى الصفحة اذهب الى الأسفل
 
كيف تستغل الغرف الزائدة بمنزلك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: أقسـام ألاسـرة :: *الديكـــور والاثـــــاث*-
انتقل الى: