منتديات نسمة الحياة

 
الرئيسيةدخولالتسجيلالتسجيل

شاطر | 
 

 كمال الملاخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
smoll fefe




مُساهمةموضوع: كمال الملاخ   9/11/2010, 13:41

[ندعوك للتسجيل في المنتدى أو التعريف بنفسك لمعاينة هذه الصورة]





كمال وليم يونان الملاخ ( اسيوط، 26 اكتوبر 1918 أو 1920 - القاهره ، 29 اكتوبر 1987 ) كاتب و صحفي وعالم اثار واديب مصرى ومؤسس مهرجانات السينما. اسس الجمعيه المصريه لكتاب ونقاد السينما فى سنه 1973.واسس برضه مهرجانات القاهره و الإسكندريه السينمائيه . كمان اسس مهرجان مجاويش السينمائي بالبحر الأحمر‏,‏ ومهرجان أسوان السينمائي اللى استمروا لسنوات وتوقفوا قبل وفاته‏.
اتولد كمال الملاخ فى اسيوط سنة 1918 و فيه روايه تانيه بتقول انه اتولد سنة 1920. بعد ما خلص تعليمه المدرسى دخل كلية الفنون الجميله فى جامعة القاهره قسم عماره و اخد البكالريوس سنة 1943 و بعدين دخل معهد الدراسات العليا للآثار فى كلية الاداب جامعة القاهرة و اخد ماجستير فى اللغه المصريه القديمه و الاثار سنة 1948.
بدأ كمال الملاخ حياته الوظيفيه كمهندس معمارى و بعدين ظابط احتياط فى سلاح المهندسين و بعدها بقى مدرس فى كلية الفنون الجميله و فى معهد السينما و الجامعه الامريكيه فى القاهره. حياته الصحفيه بدأها كرسام و بعدين كناقد فنى فى جورنال الاهرام سنة 1950. اشتغل كمان استاذ زائر فى كلية الآثار فى جامعة القاهره، و فى كلية الفنون الجميله و فى المعهد العالى للسينما.
شارك فى ترميم تمثال ابو الهول و الاهرامات ، و كان عضو فى الجمعيه الجغرافيه العالميه فى امريكا اللى اختارته عضو فخرى فيها ، و كان كمان عضو فى المجلس الاعلى لهيئة الاثار و فى مجلس تحرير جورنال الاهرام ، و اختارته وزارة الثقافه عشان يمثل مصر فى افتتاح معرض توت عنخ امون فى لندن فى سبعينات القرن العشرين.
كمال الملاخ نال تكريم كبير فى مصر و بره مصر. فى مصر حصل على جايزة الدوله التشجيعيه فى الاداب سنة 1970 و جايزة الدوله التقديريه سنة 1982، و كرمته ايطاليا بوسام الثقافه و لبنان ادته وسام الأرز بدرجة فارس.


[ندعوك للتسجيل في المنتدى أو التعريف بنفسك لمعاينة هذه الصورة]



دخل كمال الملاخ التاريخ بإكتشافه مراكب الشمس فى 26 مايو سنة 1954 و ده كان اكتشاف فريد لأثر من اثار الملك خوفو صاحب الهرم الكبير ، وبتتعرض دلوقتى بمتحف ملحق بمنطقة اهرامات الجيزة. مراكب الشمس اتلاقت فى حفرتين جنب هرم خوفو و كمال الملاخ اشرف على ترتيبها و ترقيمها و تركيبها و فى الاخر قدرت الدنيا تشوف مراكب الشمس كان شكلها ايه من 5000 سنه. كمال الملاخ كان وقتها مدير اعمال الاثار و رئيس قسم الهندسه فى هيئة الاثار المصريه.
وكان كمال الملاخ قد أعطى بدء الإشارة لإعادة نفس ترتيب وترقيم وتركيب هذه القطع الخشبية القديمة التى ‏وُجدت فى حفرتين بجوار الهرم الأكبر على يده ليرى العالم كله فى النهاية ما كانت عليه (مراكب الشمس منذ ما يقرب من ٥٠٠٠ عام) وهو مدير أعمال بالآثار ورئيس لقسم الهندسة بهيئة الآثار المصرية.‏ ورئيس قسم الفنون وناقد فنى بالأهرام، وقد عمل ناقداً فنياً بدار أخبار اليوم ثم رئيساً للقسم الفنى بجريدة الأهرام اليومية، ثم نائباً لرئيس التحرير ‏حتى إحالته للتقاعد.

اشتغل كمال الملاخ في جورنال الاخبار (جورنال) وكان ريس القسم الفني لدار اخبار اليوم (جورنال) وكان بيرسم يوميات 'الأخبار' و 'اخر ساعة' و'أخبار اليوم' و'الجيل الجديد' وكان برضه بيرسم مقالات توفيق الحكيم ومحمد التابعى وعباس العقاد وسلامه موسى وكامل الشناوى ومحمد حسنين هيكل.
وبعد مااستقال فى صيف 1957 من مصلحة الآثار ومن جرنال الأخبار راح واشتغل فى جورنال الأهرام و بقى نايب رئيس التحرير لغاية ما اتحال ع المعاش لكن فضل يحرر الصفحه الفنيه الاخيره المشهوره من الاهرام لاخر يوم فى حياته .

[ندعوك للتسجيل في المنتدى أو التعريف بنفسك لمعاينة هذه الصورة]

مع زاهى حواس


ألف كمال الملاخ 32 كتاب منها:
اغاخان
خمسون سنة من الفن
حكايات صيف
صالون من ورق
جوايز
وسام الدولة المصريه لاكتشافه مراكب الشمس ( عهد جمال عبد الناصر ).
جايزة الدولة التشجيعية في أدب الرحلات سنة 1970 ( عهد انور السادات ).
جايزة الدوله التقديريه سنة 1982 ( عهد حسنى مبارك ).
وسام الثقافه من الحكومه الايطاليه.
وسام الأرز بدرجة فارس من لبنان.
الرجوع الى أعلى الصفحة اذهب الى الأسفل
اوتار الكمان





مُساهمةموضوع: رد: كمال الملاخ   12/11/2010, 12:20

سيرة رائعة لشخصية اروع

لا عدمنا مجهودك الرائع يا فيفى

الف شكر حبيبتى
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: كمال الملاخ   12/11/2010, 14:30

ميرسى اوتار

انتى اروع يا قمر

لا عدمت طلتك الحلوة يارب

دمتى
الرجوع الى أعلى الصفحة اذهب الى الأسفل
 
كمال الملاخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: الاقسام العلمية :: *شخصيـات تاريخيـة*-
انتقل الى: