الرئيسيةدخولالتسجيلالتسجيل

شاطر | 
 

 تامر حسنى وحفيدة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
العاشقة مريم





مُساهمةموضوع: تامر حسنى وحفيدة   10/1/2011, 12:15

الحفيدة : جدو تامر إزيك .. حلو البدي اللي انت لابسه ده . بس ده موضة قديمة أوي يا جدو ..

الجد : يا بنتي أنا راجل موضة قديمة وبلبس زي ما جيلنا اتعود وحسب التقاليد القديمة بتاعتنا


الحفيدة : أيوه بس مش حاسس إنك مخنوق وانت لابسه؟

الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمااااااان لما كنا نلبس البدي اللي مبين البطن والضهر بس، مع البنطلون السترتش الجلد والجوانتي الجلد... كانت حاجةآخر روشنة..

الحفيدة : ياه يا جدو .. ده انتوا كان ليكم تقاليد غريبة خالص ..

الجد : وهو انتي فاكرة إن أيامنا زي أيامكم؟ يا بنتي أيامكو دي ما يعلم بيها إلا ربنا .. فين أيام سنة 2002م ، هو الواحد فينا كان يستجري يشرب سيجارة البانجو قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق


الحفيدة : معقول يا جدو؟؟ للدرجة دي الاخلاق ؟؟

الجد : أمال انتي فاكرة إيه .. وبعدين كانت البنت ما بتلبسش اللبس الخليع بتاع اليومين دول .. يعني الجيبة "التنورة" كان لا يقل طولها عن شبر ونص .. وكانوا البنات لازم يلبسوا فوقها بلوزة باستمرار ..مش زي دلوقتي

الحفيدة : يا خبر !! .. وإيه كمان ياجدو ؟؟

الجد: ح أقول لك إيه ولا إيه .. يعني خدي عندك مثلاً ..
زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ،.. وكانت الأغنية مدتها أكثر من دقيقتين متواصلين من الطرب الأصيل والسريعة الروشة اللي تهدي الاعصاب بصحيح كانوا مطربين روشين طحن ..
وكله كوووم والست كووووم تاني

الحفيدة: ومين الست دي يا جدو ؟؟

الجد: في حد مايعرفش الست...نانسي عجرم طبعا

الحفيدة : وبعدين

الجد : وبعدين كنا نسمع على حاجة اسمها اسطوانات ليزر "cd" ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة ..

الحفيدة : حكاويك ممتعة أوي يا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح ..

(بعد عدة دقائق) هااه يا جدو .. وبعدين ؟؟

الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية
لأن مصر كلها كان تعدادها 80 مليون مش أكثر ، تخيلي بقى الروقان اللي كنا فيه؟


الحفيدة : 80 مليون بس؟

الجد : أمال إيه .. علشان كده كانت كل حاجة رخيصة ، يعني مثلاً الواحد
يقدر يشتري شقة تمليك بـ 350 الف جنيه بس .. وكان الدولار بستة جنيه بس , تخيلي بقى؟

الحفيدة : ما هو علشان كده كان الجواز على أيامكم كان سهل خالص
الجد : أكيد طبعا .. ده احنا الواحد مننا كان بمجرد ما يوصل سن 35 سنةيبتدي يفكر في الجواز على طول ، وما كانش عندنا الأفكار الغريبةاللي بتعملوها دلوقتي .. زي إن البنت تقعد مع الولد كام سنه قبل الجواز علشان يتعرفوا على بعض أكتر .. زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها !!!
تخيلي ؟؟
و فين ايام زمان 2009 يااااااااه كان لازم البنات والاولاد يلبسو مايوه في البحر



الحفيدة : ده انتوا كنتوا متزمتين خالص ياجدو!!

الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله ... وكانوا أهل الفن محتشمين جداً وكانوا دايماً يطلعوا
بالمايوهات البيكيني ، والمذيعات كانوا يقعدوا جنب الضيف مش على
ركبته زي دلوقتي... هيـ يـ يـ يـ ـه الله يرحم دي أيام




الحفيدة : رايح فين يا جدو

الجد : أصلي كنت موصي الجزار على اتنين كيلو لحمة وأعطيته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ؟؟؟


يا رب يعجبكم

مع تحياتى
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: تامر حسنى وحفيدة   10/1/2011, 15:50

ههههههههههههههههههههههههههههههههههههههههههههههههههههههههههههه

والله مش بعيد تحصل

كل شيئ بقى جايز

ميرسى يا عسل

دمتى
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: تامر حسنى وحفيدة   10/1/2011, 23:35

اقتباس :
حكاويك ممتعة أوي يا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح ..

هههههههههههههههههههههههههههههههههههههههه


لا طبعا مش بعيد

دا قريب جدا جدا ويمكن بيحصل الايام دى

شكرا مريومة

والله نفتقدك

نورتى المنتدى بطلتك
الرجوع الى أعلى الصفحة اذهب الى الأسفل
*rody*





مُساهمةموضوع: رد: تامر حسنى وحفيدة   11/1/2011, 01:44

ههههههههههههههههههههههههههههههههههههههههههه

موضوع عسل زيك يا مريومة

والست اتحولت من ام كلثوم لنانسي

ههههههههههههههههههههههههه
الرجوع الى أعلى الصفحة اذهب الى الأسفل
 
تامر حسنى وحفيدة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: أقسـام الترفـيه :: *النكــــت والطرائــــف*-
انتقل الى: