الرئيسيةدخولالتسجيلالتسجيل

شاطر | 
 

 مش هنقفل المنتدى مهما حصل

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
ألامــــير




مُساهمةموضوع: مش هنقفل المنتدى مهما حصل   19/3/2011, 20:27

الاخوة الكرام والاخوات

ارى المنتدى فى هذه الاونة فى حالة سيئة للغاية

الدخول قليل جدا ونسبة تسجيل اعضاء جدد سيئة ايضا للغاية

نشكر الله انه عرفنا ببعض كاخوة واخوات فى الله

واظن ان الرسالة منه قد اديناها بقدر استطاعتنا

وتعودت دائما على التحدى والنجاح ولم اتعود الفشل الا اذا محوت اسبابه

وقبل ان ارى منتدانا يسوء اكثر واكثر وهذا ليس ملكى وحدى بل ملككم جميعا

فاردت اخذ رايكم اولا

هل نقفله ؟؟

ارجو الرد فى نفس الموضوع مع ابداء السبب ان امكن !!
الرجوع الى أعلى الصفحة اذهب الى الأسفل
sa7ar





مُساهمةموضوع: رد: مش هنقفل المنتدى مهما حصل   20/3/2011, 00:43

انا لا اوافقك الراي يا امير

لان قفلو يبقى استلام للفشل الى انت مش بتحبو

ولازم نحاول نزود مجهوداتنا

وانا اعرفه اني اول الناس المقصره فى حق المنتدى

ولازم ندعو ناس ليه عشان نرجع زي الأول وافضل

دي وجهت نظري شوف باقي الأعضاء هيقولو ايه
الرجوع الى أعلى الصفحة اذهب الى الأسفل
اوتار الكمان





مُساهمةموضوع: رد: مش هنقفل المنتدى مهما حصل   20/3/2011, 13:54

لالالالالالالالالالالالالالالالالالالالالالا لغلق المنتدى

دة مش حل ..

قبل ما نستسلم ونقفل المنتدى نشوف مع بعض ايه الاسباب اللى

ادت للتكاسل ..

نشوف ايه كنا بنعمله الاول وكان بيخلى منتدانا نشيط .. وفجأة امتنعنا عنه

للاسف كل اللى بيحصل لو عضو نشيط اختفى بنجد كل اعضاء المنتدى

غير متفاعلين وبيتكاسلوا مع احترامى الشديد لكل واحد

فى شىء كمان احب اضيفه مع انى مكنتش احب انى اقوله

بس طالما الوضع وصل لغلق المنتدى يبقى لازم كل واحد يطرح وجهة

النظر اللى هو شايف من خلالها انها ادت لذلك

مع احترامى الشديد ليك يا امير ولاسلوبك الرائع فى ادارة المنتدى الا ان هذا الاسلوب

كان ينقصه بعض الاشياء .. انا طبعا اقل من انى اعدل عليك او اقول رأيى فى ادراتك

بس للاسف دة الى انا لحظته .. بعض الخطوات والقرارات اللى كنت بتتخدها وان كانت قليلة

كانت بتؤدى الى اختفاء الاعضاء وبالذات النشيطين

انا مش بحملك انت لوحدك المسئولية .. لا

كل واحد مننا مسئول عن الوضع اللى وصل المنتدى ايه.

بجد لو بنحب المنتدى دة وفعلا من قلوبنا مش عاوزين غلقه .. مايبقاش بالكلام بس

ياريت نفتح موضوع زى دة ونطرح فيه كل الاقتراحات اللى ممكن ترجع نشاط المنتدى زى ماكان

وفى اسرع وقت
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: مش هنقفل المنتدى مهما حصل   20/3/2011, 14:41

اولا لكى كل التحية والتقدير ياسحر انتى واوتار على اهتمامكم

وانا متقبل جدا لاى نقد واتمنى ومنتظر فعلا ارائكم واقتراحاتكم

ويهمنى نشاط المنتدى طبعا مثلى مثلكم تماما واكثر

000
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: مش هنقفل المنتدى مهما حصل   20/3/2011, 17:23

فييييين انتقاداتكم اللى تعتبر هدية لى

وفين اقتراحاتكم لتنشيط المنتدى وعودة الجميع وجلب اعضاء

؟؟؟؟؟؟؟
الرجوع الى أعلى الصفحة اذهب الى الأسفل
*rody*





مُساهمةموضوع: رد: مش هنقفل المنتدى مهما حصل   20/3/2011, 20:12

اكييييييييييييييييد لالا لقفل المنتدى

احنا فعلا مقصرين جدااا بس والله ظروف نعمل ايه يعني للامتحانت والمدرسة ؟؟؟

وبصراحة من أسباب تراجع المنتدى بالطريقة دي

انه الواحد بيحس انه بيكلم نفسه محدش بيرد الا ناادرا

والاعضاء المشاركين يتعدو على الاصابع

وكمان اذا جيت تتدعي اي حد للمنتدى يقولك ده منتدى نااايم

يبقى المفروض نبدأ نرجعه زي الاول تاني بمشاركتنا وتفاعلنا وبعدين نبدأ ننشره وندعي اصحابنا ليه

وانا ان شاء الله هحاول قدر الامكان اني ارجع نشاطي زي الاول تاني وافضل كمان

وكلنا بنحب منتدى نسمة الحياة جدااا

وان شاء الله انا متأكدة انه الاعضاء هيأثر فيهم الموضوع ده وهيرجعو لنشاطهم من تاني
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: مش هنقفل المنتدى مهما حصل   20/3/2011, 20:23

صدقينى يارودى
انا مش كاتبه للتاثير فى حد

انا كاتبه عشان استازنكم فى قفله لانى مش ملكى

دا ملككم انتم ومواضيعكم انتم ومساهماتكم

لكن انا بطبعى لا احب الفشل ابدا ومحتار انشطه ازاى زى زمان

الكل لاهى ومبتعد معرفش ليه ومش عاوز اقولكم ان زوار المنتدى اللى بيبصوا
ومابيدخلوا هم اعضاء منه

يعنى كلامك صح لو فيه تجديد ونشاط يمكن يدخلوا يشوفوا الجديد ويلاقوا اى حد
متواجد مثلا

اممممممم

مش عارف اعمل ايه
اللى عنده اى فكرة جديدة يقولها
الرجوع الى أعلى الصفحة اذهب الى الأسفل
مجانينو





مُساهمةموضوع: رد: مش هنقفل المنتدى مهما حصل   21/3/2011, 21:25

ياترى هيبقى فى قبول للكلام بصراحه


؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا انا قصدى هيكون فى قبول من كل الاعضاء أو المشرفين


انا أسف أنا الوحيد اللى مقدرش اتكلم بصراحه

لأن اسلوبى قبل كده اتوصف بأنه مش صراحة أو جراءة

بالعكس اتوصف بحاجات لا داعى لذكرى

عموما انا مجرد عضو بيزور المنتتدى للحظات وده ييعتبره البعض انه مش من حقى


ومن حق الناس اللى من وجهة نظرها بضحى من أجل المنتدى


ده انا لمجرد نقاش قبل كده بداء مواضيعى يدخلها واحد أو اتنين من الأعضاء


عموما انا أكيد ودايما بقول لنفسى أنى أكيد غلطان ومفيش حد على صواب دايما


وأكيد فى حاجات كتير معر فهاش عن المنتدى


وبعتبر نفسى كمان جاهل فى عالم المنتديات


مع تمنياتى للمنتتدى اللى مهما شوفت أفضل منه نشاط ومواضيع برجع ليه
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: مش هنقفل المنتدى مهما حصل   21/3/2011, 23:17

اخى الفاضل مجانينو

بالنسبة للرد على مواضيع وووو الخ

انا ليا مواضيع الردود عليها صفر برغم انها مش منقولة

انا بكتب عشان عاوز اكتب او بنقل شئ عجبنى للكل يقراه مش للرد

وان كان للرد مفعول فى ذلك كلنا لاننكره لكن واقولها بصراحة ومن دون زعل حد منى

دى بترجع لمدى استيعاب قارئ الموضوع واخلاقياته

اما الجزء التانى من كلامك

فالمنتدى منتداك كما هو منتدى الكل وبيكفينى فخرا واعتزازا بك انك كنت اول من احزنهم
حال المنتدى الايام دى وواظبت على الحضور لتنشيطه ولكن وجدت حضورك وحيدا
تقريبا او شبه ذلك او ربما ظروف منعتك فمن هنا بدا فعلا المنتدى يعود كما بداناه

بحضور تلات اربع اعضاء

برغم وجود شات تلاقى وكل الامكانت تقريبا موجودة
اخى الكريم

صدقنى لايهم اطلاقا نقل مواضيع من منتديات عفا عليها الزمان وهناك شئ اسمه
تغذية ال RSS بالامكان عملها وانقل 100 موضوع ى خمس دقائق لاى قسم
اريده

لكن كنت سعيد وفخور بروح المودة والترابط التى كانت تسود المنتدى حتى وصلت
لدرجة تلاقيهم على الايميلات وووو الخ

انعدم للاسف كل ذلك

هل هذا هو حال الانترنت ومعرفته ؟؟

هذا ما احزننى فعلا

والمنتدى كان ساحة التقاء فكر وابداع وصداقة فعلا

كل هذا راح فجأة ومش عارف ايه السبب !!

هل ادارتى ليست على مايرام ؟؟

ليه لا واين انتم ونصائحكم

هل تستطيعوا اعادة كل مافقدناه ؟؟

ليه لا ؟؟

هل نستطيع اعطاء المنتدى جزءا من وقتنا ولو بسيطا مع تشغيل عقولنا فى كيفية
تنشيط المنتدى ؟؟

ليه لا


هل كرهنا المنتدى ؟؟

ما اظنش اطلاقا لدرجة ان غاااالبية اعضاؤه القدامى بيدخلوا زوار حتى ولو لرؤية
الصفحة الرئيسية

مش عارف بجد اقول ايه !!


الرجوع الى أعلى الصفحة اذهب الى الأسفل
اوتار الكمان





مُساهمةموضوع: رد: مش هنقفل المنتدى مهما حصل   22/3/2011, 21:04

دعوة حب واخوة -----> ياريت يا جماعة

ننسى كل اللى فات ونفتح صفحة جديدة .. نرجع روح الترابط اللى كانت بتميزنا

مايمكن دى تكون كلمة السر اللى بيها نرجع نسمة الحياة زى ما كان

دة اولا

ثانيا \ ياريت كل اللى عنده اقتراح يقوله عشان ننشط بيه المنتدى

ثالثا \ بالنسبة ليا انا عندى مجموعة اقتراحات حابة انى اناقشها مع الجميع

و ياريت يكون فى تجاوب

بس قبل ما اقول الاقتراحات فى سؤال موجه لامير ..

ايه السبب من غلق معظم اقسام المنتدى ..بمعنى ليه مش مسموح بالزوار انهم يشوفوا غير اقسام قليلة جدا ومحددة ؟
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: مش هنقفل المنتدى مهما حصل   23/3/2011, 12:19

بالنسبة لقفل المنتدى عن الزوار دا سلاح ذو حدين

الحد الاول منه والمطلوب

ان الزائر يكتفى بسرقة مواضيع غيره لنقلها لمنتديات اخرى لتزيد بذلك
مشاركاته وهذا طبعا هو الهدف من دخوله كزائر ومنعه يجبره على الاقل فى تسجيل عضوية لان رتبة المنتدى او ترتيبه بمعنى اصح بيعتمد على حاجتين
1 ــ عدد المساهمات
2 ــ عدد الاعضاء

الحد الثان والغير مرغوب فيه

ان محركات البحث بتدخل المنتدى لتتناول مواضيعه كزائر وبذلك يتم نشرها فى تلك المحركات
وانا طبعا قافل الاقسام عن الزوار

ولكنى لم اقفلها دوما فقد تم عرض الامر توضيحيا مع ادارة المنتدى واقترحوا
ان نقفل الاقسام فترة ونفتحها فترة وهذا مانفعله الان


مع تحياتى
الرجوع الى أعلى الصفحة اذهب الى الأسفل
sa7ar





مُساهمةموضوع: رد: مش هنقفل المنتدى مهما حصل   23/3/2011, 14:59

بصرااحه المفروض كل الى فى المنتدى حتى لو قليل يغيرو من نفسهم شويه

لاني شاايفه انه كلهم بيجاملو بعض فى الردود على المواضيع

وده بيضايق اعضااء كتير وبيخليهم يسيبو المنتدى

وكمان اسلوب الإداره فى بعض الحاجات بردو بيخليهم يسيبو المنتدى

مع احترامي جدا للكل بس بجد لازم كلنا نتغير

وبعد كده اي واحد فينا يعرف طريقه يوصل بيها للأعضاء الى سابو المنتدى نكلمهم ونقلهم يرجعو للمنتدى وبعدين نحاول بقدر الإمكان ننشر المنتدى

ونشجع دايما الأعضاء اين كانو جداد او قدام لان ده بيخليهم يحبو المنتدى

ويا رب المنتدى يرجع تاني زي زمان واحسن

الرجوع الى أعلى الصفحة اذهب الى الأسفل
ألامــــير




مُساهمةموضوع: رد: مش هنقفل المنتدى مهما حصل   24/3/2011, 15:17

طيب انتى ياسحر احد افراد ادارة المنتدى منذ دخولك

لان الادارة هى المدير والمشرف العام والمراقب العام والمشرفين


اين تقصير الادارة وماهى اشكاله وبدون اى تحفظ

لاننا نريد المواجهة كى نصل لحلول فعلية ولا اريد اى تحفظ

اى انتقاد لى انا قبل الجميع فارجو توضيحه وكتابته هنا

انا تعمدت كتابة الموضوع فى غير قسم المشرفين حتى يكون متاحا للجميع

وملحوظة مهمة جدااااااااااااااا

ان ادارة المنتدى ليس نحن بل اعضاء المنتدى اما نحن فقائمون على تنظيم
وتوفير سبل الراحة للجميع ولكن فى العرف السائد بيسمونا ادارة الموقع

وفين هى المجاملات وعلى راى المثل عد غنمك ياجحا قال واحدة واقفة والتانية نايمة

؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: مش هنقفل المنتدى مهما حصل   24/3/2011, 15:39

انا اولا استنيت لحد مكله بدا يهدا ويسكت وحطيتوا كل اللى جواكم باستثناء شخص واحد واكيد معروف وهعلق على كلامة بس بعد مرد على كل رد اتحط فى الموضوع

وملاحظة انا غيرت عنوان الموضوع بدون اذن الريس بتاعنا واجبارى كمان بصفتى من استف الادارة المقصر من وجهة نظر الكثير ان لم يكن الكل
[ندعوك للتسجيل في المنتدى أو التعريف بنفسك لمعاينة هذه الصورة]
وانا هقول احنا قصرنا فى ايه برده بعد الردود ولو كلامى غلط او فيه اى حاجة مش حقيقى اتحاسب عليها قدام ربنا قبل متكون قدامكم


الاخت سحر ردها الاول

اقتباس :

انا لا اوافقك الراي يا امير

لان قفلو يبقى استلام للفشل الى انت مش بتحبو

ولازم نحاول نزود مجهوداتنا

وانا اعرفه اني اول الناس المقصره فى حق المنتدى

ولازم ندعو ناس ليه عشان نرجع زي الأول وافضل

دي وجهت نظري شوف باقي الأعضاء هيقولو ايه


مشكورة جدا يا سحر على ردك والمفروض ان لو كل انسان اعترف بتقصيرة يحاول يصلح التقصير ده مش يدخل يبص ويخرج لاو يرمى موضعين تلاته ويخرج المواظبه على تغذية المتابعة بالحب والتفاهم والمشاركات والمواضيع هى السبب الحقيقى فى تنميته

نشوف ردك التانى

اقتباس :


بصرااحه المفروض كل الى فى المنتدى حتى لو قليل يغيرو من نفسهم شويه

لاني شاايفه انه كلهم بيجاملو بعض فى الردود على المواضيع

وده بيضايق اعضااء كتير وبيخليهم يسيبو المنتدى

وكمان اسلوب الإداره فى بعض الحاجات بردو بيخليهم يسيبو المنتدى

مع احترامي جدا للكل بس بجد لازم كلنا نتغير

وبعد كده اي واحد فينا يعرف طريقه يوصل بيها للأعضاء الى سابو المنتدى نكلمهم ونقلهم يرجعو للمنتدى وبعدين نحاول بقدر الإمكان ننشر المنتدى

ونشجع دايما الأعضاء اين كانو جداد او قدام لان ده بيخليهم يحبو المنتدى

ويا رب المنتدى يرجع تاني زي زمان واحسن


مسالة المجاملة دى مطفتش حد وبالعكس من حق كل انسان يعبر عن رايه باى شكل يحبه واعتقد ان حبنا لبعض مش مجامله ودى الحاجة الوحيدة اللى بتميز منتدانا وانتى لو كنتى شوفتى زمان من سنتين تلاته كدة الردود كنتى قولتى احنا دلوقتى بنكره بعض مش بنجامل ؟
تانى حاجة تقصير الادارة اللى الكل ماسك فيه انا مش عاوزه اتكلم واقول عن سبب اتخاذ الادارة لاى قرار اتخذته من يوم مكانت عدد المشاركات فى المنتدى 8 الالاف لحد موصلت للرقم اللى شايفينه دلوقتى

اولا مين هى الادارة فى المقام الاول

صاحب الموقع امير

المديرة العامة فيفى

المراقب العام اوتار الكمان والمشرفين اللى انتى كنتى واحدة منهم

اى نقطة من نقاط التقصير حدثت تذكرينى بيها علشان اقدر ارد ؟

ممكن نقول مثلا حذف حد من الاشراف

انا اشهد على ان المدير بيرسل للمشرفه المقصره مرة واتنين وتلاته وعشرة قبل ميشيلها وبكل الوسائل واحيانا بيكون عن طريقى انا

واظن الكل عارف كدة كويس

ليه بتتشال المشرفة من مكانها لان الاشراف مسئوليه احنا بنديها للشخص اللى حاسين انه يقدر يتحملها ويشيل بيها جزء من الحمل الملقى على عاتق المديرة والمراقبة العامة

لو المشرفة دى مدخلتش المسئولية دى بترجع تانى للمراقبة او المديرة

فبيضطر المدير يبلغ المشرف او المشرفه هل فيه عذر ؟ هل فيه مشاكل هل فيه امكانية للعودة لو مردش اتوماتيك بتتشال من الاشراف زينا زى اى منتدى فيك يا نت

ده انا كنت مشرفة فى على الاقل 16 منتدى

والمشرف اللى يغيب بالكتير اسبوع يتشال اللهم ان منتديات كانت بتصبر شهر ولا حاجة

قارنوا كدة بين نسبة الصبر هنا ونسبتها بره وقارنوا بين اسلوب الادارة هنا واسلوبه بره

اقسم بالله انى كنت مشرفة عامة فى احد المنتدى الكبيرة ومكنت بهزر ولا اضحك ولا اتكلم زى هنا كان كل حديثى مع حد ادارى وعادى اى مشكلة بحلها وخالتى وخالتك واتفرقوا الخالات واللى عاجبه يقعد واللى مش عاجبه فيه الالاف غيره

ليه الالاف لان المنتديات التانية بتتبع اسلوب التبادل الاعلانى او التاجير او الدفع لجوجل ادسنس علشان تنتشر فكل من هب ودب بيدخل

وهلم جره من السخافات والتفاهات والوقاحة التى كنا نراها هناك وفى كل مكان واقل شيئ من رد فعلنا كان اما ايقاف العضوية او حذف مساهمات

هل تم هذا فى نسمة الحياة ؟

فقد اتفقنا انا وامير منذ بداية دخولى على ان تكون الروح السائدة هى المودة والحب والاخوية فى التعامل لا نجور على احد ولا نترك احد يخالف اخيه بشيئ

واعتقد ان الكثير منكم شهد لنا مواقف متعدده باستثناء موقف لا داعى لذكره لانه معروف

الى جانب ان الهدف من البداية مش كثرة اعضاء بالعكس احنا عندنا القدرة فى خلال شهر نخلى عدد الاعضاء اكثر من 10 الالاف عضو وبسهوله لكن مش هى دى رسالتنا ولا هو ده اللى بنتمناه احنا بنتمنى نزيد واحنا مترابطين نزيد واحنا بنحب بعض ونزيد واحنا كل يوم موجودين مش اعضاء تيجى اعضاء تروح المنتدى زى البيت لو غاب عنه احد ساكنية بيحزن

وحزنه ده بيتنقل لكل اللى فيه

والله مش احنا ابدا السبب فى مشيان اى حد

لو احنا السبب فى غيابك يا سحر فترة كنا بقينا السبب فى غياب كله

انتى بنفسك غيبتى بسبب الدراسة على ما اذكر وانا بنفسى قولتلك يا سحر انتى مكانك فى قلوبنا قبل متكونى فى المنتدى ولو سيبتى الاشراف بسبب ظروف ورجعتى قولتى انا عاوزه ابقى مشرفة هترجعى بدون نقاش وده حصل ورجعتى اعتذرتى عنه تااانى وقولتيلى كدة قولتلك لو امير شاف انك تتشالى هيشيلك وبرده مكانك موجود لوقت متفضى واتشالتى ومع ذلك لو قولتى ارجع هترجعى

هل ده سبب فى طفشان حد ؟

نيجى لرودى غابت فترة طويلة بدون منعرف السبب ومع ذلك كنت بسال عنها دعاء لانى معتبراها صحبتى قبل اى حاجة وزى اختى الصغيره وبجد بحبها جدا هل انا بجاملك يا رودى ؟

ولما رجعتى كنت طايرة من الفرحة وكنت ببقى مبسوطة بوجودك معانا دايما وارد عليكى بكل سلامة نية هل انا برده عليكى ده عاوزه منك حاجة ؟

بحور اتجوزت هل احنا اللى جينالها العريس وطفشناها ؟

امواج اتجوزت باين كدة احنا اشتغلنا خطبة

شمس ووردة مشغولين فى الدراسة وبيدخلوا يطمنوا من وقت للتانى ودايما يسالونى عن المنتدى وبيحبوه جدا وانا بحبهم وامير بيحبهم ودى اهم حاجة فى المنتدى علاقتنا ببعض

اصحاب امواج وبحور وقرايبهم مبقوش يدخلوا ولا نعرف ليه رغم انى بسال عنهم دايما الا انهم مشغولين اللى بتدرس واللى مسافرة واللى معرفش فين

هل احنا طفشنا دول ؟ طب ليه وازاى

منار ورؤى ولولو

وما ادراكم لنا بااااااااااع طويل من الشد والجذب بينا وبينهم واخر مرة بقيت انا وامير بنتحايل على منار بالذات تدخل ويا ستى يهديكى يرضيكى واحنا اخوات ونتمنى ترجعى وانا بقيت بقولها تعالى خليكى معايا تانى زى الاول دخلت يوم واللى بعده ابدا مش داخله انا مش عاوزه ادخل اصلا

طب يا ستى براحتك هل دى تقصير مننا ؟

فيه ناس ولا داعى لذكرهم ومش انت يا مجانينو انت ليك حوار تانى خالص هقوله بعد شوية

رهنت وجودها بوجود ناس معينه يعنى لو س قعدت احنا هنمشى ولا س مشيت احنا هنقعد ليه يجماعة اصلنا مبنحبهاش نحاول نقنع ونقول س كويسه وخليكوا مع بعض وحتى لو وحشه المنتدى ملوش ذنب ابدا يا هى يا حنا وس مش فدماغها وبتحضر عادى هل اطردها ؟او اقولها امشى ؟ طب منا لو مشيت دى علشان دول بعد كدة كل حد مش عاجبه حد هيقوله باى باى اما انا اقول جاى

هو ايه مزاد ؟

هل ده تقصير مننا ؟

اروى باباها تعب وبتشتغل وريم قاعده مع اولادها وربنا يحرر ارضها

عاوزين مين تانى ميدو وابنه وبنته انشغلوا ورجع ابنه نورنا تانى وفرحانين بيه بيدخل وقت ميفضى

هل احنا مشيناهم بالعكس الراجل بيبعت لينا السلام وبيتمنى يدخل بس عنده شغل

دكتور مختار مشغول برسالته ولسه من يومين باعتلى بيعتذر عن تقصيرة وبيقول انه مشغول بالدراسة وهيدخل ان اراد الله وبيسلم على كله

عاوزين مين تانى طفش وانا اقولكم حكايته ؟

انا منمتش ولا سيبت المنتدى لحظه ولا هسيبه مهما حصل وبكررها المنتدى مش هيتقفل مهما حصل وقولتلها لحد قبل كدة المنتدى عمره مهيتقفل طول مالحب موجود فيه والحب مضاعش احنا اللى ضيعنا فى الفيس بوك والايميلات واللعب هنا وهنا والله احنا زى محنا بس اظاهر بقينا نقف لبعض على الواحدة

ده ردى على سحر وبرده مقولتش لسه سبب تقصيرنا من وجهة نظركم الرد التانى لرودى

بعد مصلى العصر
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: مش هنقفل المنتدى مهما حصل   24/3/2011, 16:13

اقتباس :
اكييييييييييييييييد لالا لقفل المنتدى

احنا فعلا مقصرين جدااا بس والله ظروف نعمل ايه يعني للامتحانت والمدرسة ؟؟؟

وبصراحة من أسباب تراجع المنتدى بالطريقة دي

انه الواحد بيحس انه بيكلم نفسه محدش بيرد الا ناادرا

والاعضاء المشاركين يتعدو على الاصابع

وكمان اذا جيت تتدعي اي حد للمنتدى يقولك ده منتدى نااايم

يبقى المفروض نبدأ نرجعه زي الاول تاني بمشاركتنا وتفاعلنا وبعدين نبدأ ننشره وندعي اصحابنا ليه

وانا ان شاء الله هحاول قدر الامكان اني ارجع نشاطي زي الاول تاني وافضل كمان

وكلنا بنحب منتدى نسمة الحياة جدااا

وان شاء الله انا متأكدة انه الاعضاء هيأثر فيهم الموضوع ده وهيرجعو لنشاطهم من تاني


شكرا يا رودى على ردك
واحنا كلنا مقدرين ان لكل انسان ظروفة واذا مش قادرين نخليكم نفضل كفاية نفضل احنا فاتحينه علشان لما تحنوا ليه وتحسوا انكم عاوزين تدخلوه بجد تلاقوه مفتوح وبيقولكم اهلا وسهلا وطبعا حكاية القفل دى انا هرد على المدير فيها واوتار ردها التالى

بس سؤال يا رودى انتى تحبى اللى يرد عليكى يقولك شكرا بس ويمشى ولا يقولك راية فى الموضوع ويثنى عليه ؟

اذا ردك اه فيبقى عدد الاعضاء مهم جدا اذا لا فيبقى الموضوع مش مسالة ردود الموضوع مسالة حب وتفاهم بينا الى جانب اذا انتوا بتنزلوا فى المنتدى كاستف اساسى فيه علشان ردود ... يبقى مش عرفتوا هدف المنتدى الاساسى صح المنتديات التانية مليانه هتنزل موضوع هيرد عليك 50 و 100 واوقات 1000 ولا هتفرق مكنا فمنتديات وكان بيرد علينا كتير وفايه مواضيع اتفه مما تتخيلوا لكن لما جيت هنا عرفت يعنى ايه اقدم موضوع يهم غيرى حتى لو زائر اكتر ميهمنى انا اتشجع بيه وعمتا انا بعترف بتقصيرى معاكى فى الردود لان فيه بعض المنتديات انا لوحدى بنزل فيها وممليتش ولا زهقت

بعمل ده كل يوم وانا مبسوطة وسعيدة ومستمتعه باللى بعمله وراضيه عنه لانى جربت ابعد عن المنتدى ملقيتش قدامى الا منتديات تافهه وشاب ولعب وكلهم ميدخلوش زمتى بمليم ولا يساوو قسم واحد من اقسام المنتدى اللى بحس فيه الامان وبحس ان وقت محد هيضايقنى هيجى المدير والاديب ومختار ومجانينو وميدو ورودى وسحر واوتار وشمس ووردة وغيرهمياكلوه ويبهدلوه لانه ضايق اختهم
ولو حد ضايقكم هتلاقوا فيفى وامير وكل المنتدى واقفين وبيقولوا كله الا زعلكم

محدش بيقدر ده الا قليل جدا ومحدش واخد باله من النقطة دى لانها متوفره جدا

صدقونى لو اتبعنا اسلوب ادارة بجد المنتدى هيزيد بس مش هنحس بالروح الجميلة اللى خليتنا كلنا نتكلم مع بعض ونعرف بعض ونسال عن بعض


نيجى لرد اوتار
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: مش هنقفل المنتدى مهما حصل   24/3/2011, 16:23

اقتباس :
لالالالالالالالالالالالالالالالالالالالالالا لغلق المنتدى

دة مش حل ..

قبل ما نستسلم ونقفل المنتدى نشوف مع بعض ايه الاسباب اللى

ادت للتكاسل ..

نشوف ايه كنا بنعمله الاول وكان بيخلى منتدانا نشيط .. وفجأة امتنعنا عنه

للاسف كل اللى بيحصل لو عضو نشيط اختفى بنجد كل اعضاء المنتدى

غير متفاعلين وبيتكاسلوا مع احترامى الشديد لكل واحد

فى شىء كمان احب اضيفه مع انى مكنتش احب انى اقوله

بس طالما الوضع وصل لغلق المنتدى يبقى لازم كل واحد يطرح وجهة

النظر اللى هو شايف من خلالها انها ادت لذلك

مع احترامى الشديد ليك يا امير ولاسلوبك الرائع فى ادارة المنتدى الا ان هذا الاسلوب

كان ينقصه بعض الاشياء .. انا طبعا اقل من انى اعدل عليك او اقول رأيى فى ادراتك

بس للاسف دة الى انا لحظته .. بعض الخطوات والقرارات اللى كنت بتتخدها وان كانت قليلة

كانت بتؤدى الى اختفاء الاعضاء وبالذات النشيطين

انا مش بحملك انت لوحدك المسئولية .. لا

كل واحد مننا مسئول عن الوضع اللى وصل المنتدى ايه.

بجد لو بنحب المنتدى دة وفعلا من قلوبنا مش عاوزين غلقه .. مايبقاش بالكلام بس

ياريت نفتح موضوع زى دة ونطرح فيه كل الاقتراحات اللى ممكن ترجع نشاط المنتدى زى ماكان

وفى اسرع وقت

شكرا يا اوتار على ردك طبعا انتى من ضمن الناس اللى تواجدوا بشكل كبير فى فترة من الفترات وفعلا اديتى دورك بشكل كويس جدا ومازال مطلوب منك تاديه بشكل افضل من كدة لان زى مقولتى كلنا مقصرين وكلنا نمنا لو عضو غاب زى مقولت كل المنتدى بيحزن عليه وتلاقى الكل كسل لانه مش لاقى حاجة جديدة

مش لاقى شيئ يجذبه ويشده مثلا شباب وبنات يتكلموا فلعبه فى موضوع او او او تلاقى ده بيدخل علشان يتابع ده وده بيدخل علشان يتابع ده لكن منتدى فقد التوازن بين الاتنين اكيد هيكون فيه تقصير وكبير مش من الادارة بس لا من كله
بالنسبة للقرارات فانا اتحمل جزء كبير منها لان امير مكنش بيتخذ معظم الاجراءات الا لما نتناقش فيها يمكن السرعة فى اتخاذها من وجهة نظركم غلط لكن هو فى وضعه شايف الاتمور اوضح وفيه اشياء خفيه كتيره اوى لدى الكثير من الاعضاء ميقدرش يذكرها ويقول ليه هو اتخذها دى حاجة

الحاجة التانية انتى سالتينى سؤال على الفيس بوك قولتيلى ايه اللى حصلنا وانا مردتش
اللى حصلنا يتلخص فى كلمتين ( عدم اهتمام ) مبقيناش نهتم ببعض ولا نهتم بالردود على بعض يعنى مثلا فيفى دخل قالت الله ايه الموضوع الجميل ده بس االصورة دى حلوة يا اوتار جيبتيها منين

تلاقى مجازا طبعا اوتار بتابع انا عارفه

داخله تقول الف شكر على المرور الرائع وتحياتى بدون اهتمام باللى قبلها قد يكون نابع من حالتها النفسيه فى الوقت ده او من عدم اهتمامها بالرد على اللى قالت احسن متشوفش الموضوع وده فيا انا كمان مش بعصم نفسى من الخطأ

اتمنى كلنا ناخد بالنا من النقطة دى

وبدون مجاملة علشان سحر متزعلش

هههههههههههههه
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: مش هنقفل المنتدى مهما حصل   24/3/2011, 16:36

نيجى بقى للكارثه مجانينو اللى زعلان ومقموص وهو ملوش حق يزعل اصلا لانى انا اللى من حقى ازعل

والموضوع انت ماخدتوش على انه نقاش انت اخدته على انه ضرب نار ومحطيتش فى اعتبارك ان اللى بترد عليك نيتها عمرها مكانت وحشه ولا عملت شيئ مش كويس ولا قعدت فى المنتدى علشان حد يجى فى الاخر يقولها بتضحى من وجهة نظرك او بتعملى كذا او كذا
طبعا ده مش تعليق على ردك اعتبره مجرد عتاب قبلته كان بها مقبلتوش انت حر بقى واخرك اعمله

ههههههههه

اقتباس :


ياترى هيبقى فى قبول للكلام بصراحه


؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا انا قصدى هيكون فى قبول من كل الاعضاء أو المشرفين


انا أسف أنا الوحيد اللى مقدرش اتكلم بصراحه

لأن اسلوبى قبل كده اتوصف بأنه مش صراحة أو جراءة

بالعكس اتوصف بحاجات لا داعى لذكرى

عموما انا مجرد عضو بيزور المنتتدى للحظات وده ييعتبره البعض انه مش من حقى


ومن حق الناس اللى من وجهة نظرها بضحى من أجل المنتدى


ده انا لمجرد نقاش قبل كده بداء مواضيعى يدخلها واحد أو اتنين من الأعضاء


عموما انا أكيد ودايما بقول لنفسى أنى أكيد غلطان ومفيش حد على صواب دايما


وأكيد فى حاجات كتير معر فهاش عن المنتدى


وبعتبر نفسى كمان جاهل فى عالم المنتديات


مع تمنياتى للمنتتدى اللى مهما شوفت أفضل منه نشاط ومواضيع برجع ليه

شكرا على ردك

اولا يا اخ مجانينو انا عمرى مقيدت حد فى الكلام ولا عمرنا كلنا خلينا حد يعمل حاجة غصب عنه والممنوع معروف واللى مش ممنوع معروف مش معنى اننا بنحافظ على اسلوب المنتدى الحوارى يبقى بنقيد حد او بنمنعه ميتكلمش او مبنقبلش كلامه بالعكس انا احترمت موقفك لما قولت انا همشى ومش قاعد واحترمت موقفك وطريقتك اكتر لما رجعت بعيدا عن اى شيئ شخصى فانت عضو على عينا وراسنا ومجهودك كان واضح اتمنى يرجع زى الاول ووجودك غير مرغوب فيه اه ده صحيح بس ادخل وامرى لله هعصر على نفسى لمونه واقبلك

هههههههههههههههههه

احنا كلنا اخوات واذا كنت فاكر انى فضلت حد على حد زى مهو كان واصلك تبقى غلطان لانك معرفتنيش كانسانه ولا حتى عرفتنى كمدير ده بالنسبة لمشكلتى معاك

بالنسبة لرايك فى مدى التقصير او التخاذل فى المنتدى فاتمنى نسمعه واتمنى تستفيض كويس جدا لانى فعلا عاوزه ابدا صفحة جديدة ومفيش اى حد فقلبه حاجة من ناحية اى حد فى المنتدى واللى عاوز يساعدنا فعلا يقول مش يقول ويجرى وميدخلش الا كل يومين ولا تلاته لا يقول ويقعد ويناقشنى ويكلمنى ليل نهار برسايل بشات باى حاجة حتى لو بالايميل انا موجودة مش هنقطع بعض ولا هنموت بعض على اشياء تافهه احنا كلنا واحد وكرامتنا واحدة وده مش كلام وخلاص ولا شعارات اللى عنده كلمه يقولها واللى معندوش يستمر واحنا معاه واللى مش هيستمر بكل اسى والم بقول يعز علينا تركك لينا لكن اللى يفضل اتمنى يفضل لانه عاوز يعمل حاجة بجد
ياريت تفهمونى وتقدروا انى كنت عاوزه اعمل حاجة صح والبعض احبطنى برغبات شخصية او افكار غريبه فى عقله بس ياريت نبقى ايد واحدة تانى ونرجع كلنا زى الاول ولو مش هينفع قولوا علشان اعرف هنبدا ازاى لانى فى كل الحالات موجودة

وبس اما المدير بقى فايامه معايا الوانات انا هشتكيلكم منه وانتوا احكموا فى الرد الجاى
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: مش هنقفل المنتدى مهما حصل   24/3/2011, 16:47

يرضيكم المدير يبقى عارف ان فكرة قفل المنتدى دى بتجيبلى حساسية وتتعبنى ومع ذلك يقولها ؟ ويفكر فيها ؟

يرضيكم كدة ؟
الرجوع الى أعلى الصفحة اذهب الى الأسفل
اوتار الكمان





مُساهمةموضوع: رد: مش هنقفل المنتدى مهما حصل   24/3/2011, 20:50

ايه دة كله يا فيفى .. انتى كنتى شايلة كل دة فقلبك وساكتة

لالالا كدة وحش على صحتك يا مديرتنا هههههههههههههههههههههههه

عالعموم خلاص كل شىء كدة بقى واضح ..

وعرفنا مين السبب فى المشكلة دى كلها

هو اميـــــــــــــــــــــــر

وطبعا ميرضناش خالص اللى بيعمله فيكى يافيفى .. هو تقريبا عاوز يخلص منك

انا بهدى النفوس

كدة لازم يتحاكم انا هروح اجيب الحبل وننقل المحكمة هنا


طبعا يافيفى كلنا عاوزين نبتدى صفحة جديدة مافيهاش اى خلافات

كلها حب واخوة وتعاون وترابط

وان شاء الله يرجع منتدانا زى الاول واحسن

لى عودة عشان اقول على الاقتراحات اللى عندى

الرجوع الى أعلى الصفحة اذهب الى الأسفل
smoll fefe




مُساهمةموضوع: رد: مش هنقفل المنتدى مهما حصل   24/3/2011, 22:05

شوفتى يا اوتار

هاتى حبل متين اوعى تجيبى اى حبل ده المدير برده

فين الاقتراحات يا توتى يا هرابه والله ده انا هموتك بس بينى وبينك علشان عيب اشردك قدام الشعب

هههههههههههههههههههههههههه
الرجوع الى أعلى الصفحة اذهب الى الأسفل
اوتار الكمان





مُساهمةموضوع: رد: مش هنقفل المنتدى مهما حصل   24/3/2011, 23:01

ههههههههههههههههههههههههههههههههههههههههههههههه

ماشى يافيفى .. خليكوا شاهدين يا ناس

فيفى عاوزة تموتنى ههههههههههههههههه

نبتدى بقى

احنا كان لينا صفحة عالفيس بوك ليه مش شغالة ..احنا لو نشطناها عن طريق

ان كل موضوع ننزله فى المنتدى نحط الرابط بتاعه فى صفحتنا

ونحاول ننشرها عالفيس بوك كله ..

وطبعا احنا مش هنزل روابط المواضيع المنقولة او المتكررة .. لا انا بقترح اننا ننشأ افكار

لمواضيع جديدة تجذب اعضاء جدد للمنتدى

مثلا ننشط ركن المقهى ونرجع دقدق وبندق تانى ..

.. الاخبار الرياضية دى بردو من الحاجات اللى تجذب اعضاء

برامج الكمبيوتر ..

دروس للفوتوشوب .. ودة فى عندى فكرة كدة هقولها بعدين عشان محتاجة مساعدة فيفى فيها

اللى انا لاحظته فى اغلب منتديات النت ان اغلب الاعضاء ديما بيهتموا بالبرامج

وتطوير المواقع والمنتديات .. ليه مانهتمش بالاقسام دة شوية ونشطها

ونلاقى تجاوب من كل الموجودين ..

وكان فيه خاصية الاعجاب بصفحتنا عالفيس بوك بتبقى موجودة فى المنتدى

انا معرفش اسمها ايه .. فياريت يا امير تنزلها

بس كدة كفاية وهبئى ارجع تانى عشان اكمل
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: مش هنقفل المنتدى مهما حصل   25/3/2011, 02:31

عادى جدا وم السهل ربط الموقع ( المنتدى ) بصفحة الفيس بوك

بس اللى انا ملاحظه على الفيس بوك انه موقع للعب والتسالى اللهم الا قليل القليل
من لديه افكار جادة تستحق الاطلاع

عموما هنجرب

00
تانى شئ انا باخد رايكم يافيفى فى قفل المنتدى لان القرار دا خطير ومقدرش اخده من نفسى
دا ملككم وكررتها كتير

برغم ان ماقلته عن قفل المنتدى هو تناقض لما قلته مسبقا اننى لن اقفله لو بقيت فيه وحدى

بس دا كان مجرد رد على الاخت امواج فى موضوع ما





مع اطيب تحياتى


منك لله يا اوتار لان ربط الموقع بالفيس بوك بفلوس مش ببلاش

هههههههههههه
الرجوع الى أعلى الصفحة اذهب الى الأسفل
مجانينو





مُساهمةموضوع: رد: مش هنقفل المنتدى مهما حصل   25/3/2011, 21:06

برضو انا مجرد عضو لا أكثر


وقولتها وهاقولها ملايين المرات انا جاهل فى عالم المنتديات


وقاعد هنا عشان بحب المنتدى طبعا ده مش مجامالات لأن أنا مبخدش مقابل


غير الاستفادة وبس


لا وكمان بعتبر دخولى المنتدى ووجودى فيه حق مكتسب ليا


يزعل صاحب المنتدى ميزعلش هو حر


طول ما انا من وجهة نظرى بحافظ على قواعد المنتدى واحترام الأخرين


بس انا عندى نصيحة صغيرة


ياريت لما نبداء نفكر ازاى نرفع المنتدى نفكر فى اللى جاى وبس


وانا اول واحد هاعمل كده


مع احترامى للجميع
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: مش هنقفل المنتدى مهما حصل   25/3/2011, 21:58

بشكركم جميعا على اهتمامكم وحماسكم ودا فى حد ذاته هو بداية نشاط المنتدى
ولن اذكر احدا بإسمه دون الاخر ، فانا متاكد ان من يدخل او من لايدخل وكل من انتمى
يوما ما بعضوية فى هذا المنتدى يتمنى ان يراه جميلا وقويا اللهم حاقد او من ذوات
الانفس الضعيفة فربما يتمنى غير ذلك ، ولكن نحمد الله جميعا ان مثل هذه الشخصيات الهدامة ليست بيننا وإن كان سبق فى الماضى وجود بعض السلبيات التى لامحل لذكرها
لان كل انسان لو حاسب نفسه صح سيتزكر كل شئ ، ولن يحتاج من يزكره0

لكننى تغاضيت عما سبق وتسامحت مع الكثير وعن الكثير من خلف الكواليس لاتعلمونهم
وفتحت الدخول لكل الممنوعين واعدت كل المطرودين بعد ان حصنت المنتدى من التهكير
ومحاولة السرقة اكثر من مرة لان هذه المنتديات بها خاصية توضيح رقم اى بى من يحاول
دخول لوحة التحكم وابلغتكم سابقا بان احد الاشخاص حاول لمدة اربعة ساعات متواصلة0

فقد كنت امينا على حقوقكم وعلى كل كلمة خطتها ايديكم وقلت وساظل اقول واكرر ان المنتدى ليس ملكا لفرد بعينه بل هو ملك الجميع طالما فعلا لم يتجاوز الخطوط الحمراء0

وضعنا نقطة وبدأنا من اول السطر كل منا مد يده ليصافح الآخر عن طيب خاطر وليس مجبرا ، لم يدفعنا لذلك منتدى سواء تقدم او تأخر فالمنتدى الى زوال والدنيا كلها كذلك0

بل كان الدافع هى الانسانية والاخلاق الحميدة التى يتصف بها البعض دون الآخر والتى جبلنا الله عليها 0

فقد استفدنا من تلك الصفحة العنكبوتية ماهو ابقى واروع من وجودها ، استفدنا تعارفنا وتقاربنا وتواددنا وسؤال كل منا عن الاخر ، نعم هى مجرد كلمات كيبورد وحروف مقروءة
لكن لها اثرها السحرى فى النفس البشرية ونحن بحاجة لذلك فكلنا اخوة فى الله0

ولو شاء الله لجعلكم امة واحدة

ولكن له فى ذلك حكمة لايعلمها الاهو0

ولذا خلق الجنة والنار ، نعم لابد من وجود بعض الخلافات القشرية وان لم توجد فسامحونى
على اللفظ وساقول باننا منافقين لكن الناس الطبيعية هى من تختلف وتتفق0

ولكن الاختلاف لايجب ان يكون المحطة الاخيرة

ومن لم يسمو لتفادى وتخطية تلك العثرات السطحية فلايستحق ان يوصف بنقاء السريرة
، ولسنا فى عراك لكل ماسبق ولا نحتاج ان نضئ اللون الاحمر ،

بل هى كبوة يمر بها كل منتديات الانترنت حسب الظروف الحياتية التى يمر بها الجميع الان0
من دراسة ومظاهرات وثورة على الفيس بوك لاتقل ضراوة عن ثورة ميدان التحرير ناهيكم عن الظروف الشخصية 0

والاحداث العامة متعاقبة من تونس لمصر لليمن للبحرين لسوريا فكل منا له عزره 0

ولم نجبر احد على التواجد ولن يستطع احد ان يجبرنا على احترامه ،
فالمنتدى مفتوحا
للزوار قبل الاعضاء لان الابداع الفكرى لن يعلمه الاخرون الا اذا تم عرضه مكتوبا او مسموعا او مرئيا وهنا ساحة كتابة لكل مبدع يريد ان يعرض مابداخله او يستفيد من ابداع
الاخرين 0

وكم ناديت وقلت ان هذا هو بيتنا الثانى الذى يجب ان يكون لائقا بتواجدنا ، هى صفحاتنا
التى ندون فيها افكارنا فيجب ان تكون نقية ناصعة ، هى كلماتنا التى يقرأها الاخرون
فيجب ان تكون منتقاة لانها تعكس شخصياتنا0

الاخوة الكرام والاخوات

وفقكم الله لمافيه طاعته ورضاه



عدل سابقا من قبل ألامــــير في 26/3/2011, 11:45 عدل 1 مرات
الرجوع الى أعلى الصفحة اذهب الى الأسفل
اوتار الكمان





مُساهمةموضوع: رد: مش هنقفل المنتدى مهما حصل   25/3/2011, 22:44

لالالالالا يا امير الربط مش بفلووووووووووووووس خالص

مين قالك كدة ؟؟

وعالعموم اى مصاريف عادى مفيش مشكلة

كل الاعضاء تربط عيونها ونسرح عالجوامع ونلم المبلغ المطلوب

هههههههههههههههههههههههه
الرجوع الى أعلى الصفحة اذهب الى الأسفل
 
مش هنقفل المنتدى مهما حصل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: القسم الادارى :: *خــدمـــة ألاعضــــاء*-
انتقل الى: