الرئيسيةدخولالتسجيلالتسجيل

شاطر | 
 

 الشيف فيفى تقدم : البريوش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
smoll fefe




مُساهمةموضوع: الشيف فيفى تقدم : البريوش    9/5/2011, 13:56




السلاااااااام عليكم

منورين يا احلى منتدى فى الدنيا

النهاردة انا بكشف الستار عن احد الاشياء اللى انا متمكنة فيها فى المعجنات

اللى هى الجانب الاكثر متعه ليا فى عالم الاكل والحلويات وما الى ذلك

البريوش

وهو بديل لبلح الشام والبروفيترول اللى كنت هعمله وانزله بس للاسف

معرفتش اصوره لان الموبايل كان خلص شحن وكمان جه ضيوف

معرفتش اجهز حاجة فقولت لازم اول حاجة اعملها بعد البلح والبروفيترول

اصورها وانزلها وللااااااااسف نسيت برده اجهز بس الحمد لله افتكرت فى نص العمايل وصورت

البريوش هو :-

احلى نوع خبز ممكن تعملى منه 100 صنف

اولا عيش فينو فرنسى

اتنين جاتو بريوش بالكاستر والمكسرات

كيك بريوش محشى مربى فراولة بيتى او خوخ

شرائح بريوش للفطار عادية جدا تتاكل بالجبنه واى نوع اكل

او بريوش مسقى شربات ومرشوش عليه جوز هند وشكولاته

او متزوق بكريمة

كل دى انوع ممكن تعمليها منه بالذات لو فيه ضيوف او حفله عندك بيبقى شيئ حلو والكل هيسالك على طريقته

نبدا المقادير لانى رغيت كتير :)

نص كيلو دققيق

ملعقة كبيرة خميرة فورية وملعقة سكر كبيرة وذرة ملح

ربع كيلو لبن

2 بيضه

ملعقتين سمنه او زبده

كيس فانيليا

وبس

التزويق زى منتى عاوزه لو عاوزاه ساده يبقى كفاية كدة عاوزه نوع حلو يبقى مربى وكريمة وشكولاته وشربات

الطريقة

نحط المقادير الجافة كلها على بعض ونعمل خطوة مهمه جدا جدا

ان تجيبى معلقه ناشفته وتنفضى فى الدقيق كأنها مضرب بيض بس على خفيف

تضربى فيهم لحد المكونات متختلط والدقيق تحسى انه مش مكتوم

بعدين تضربى البيض واللبن والفانيليا وتضيفيه شوية شويه مع التقليب بالمعلقه

جامد لحد متتماسك وبعدين استخدمى ايدك فى العجن ومتخافيش

العجينه بتبقى لينه لو احتاجتى رشة دقيق بسيطة علشان تلم عادى حطى

وبعد كدة حطى الملعقتين السمنه

واعجنى وطلعيها على صينيه مرشوشه دقيق واعجنيها كويس

ولميها قطعه واحدة زى موضوع [ندعوك للتسجيل في المنتدى أو التعريف بنفسك لمعاينة هذا الرابط] اللى نزلته قبل كدة

وحطيها فى حلة متوسطة وغطيها ودفيها لحد حجمها ميتضاعف بعد نص ساعة او ساعة الا ربع

بعد كدة وخطوة مهمه برده وانتى بتطلعى العجينه مش تعجنيها فى الحلة او

الاناء لا لمى اطرافها بشكل دائرى لحد متهبط وطلعيها على طاولة

مرشوشه دقيق اعجنيها واعمليها اسطوانه وقطعيها اربع قطع

وخدى قطعه قطعه لفيها اسطوانه طويلة زى الفينو بس تكون طويلة وما تنسى تغطى العجينه علشان متنشفش منك

وبعد كدة اعمليها ضفيره زى الشكل ده


[ندعوك للتسجيل في المنتدى أو التعريف بنفسك لمعاينة هذه الصورة]



وفى صينيه طويلة لازم القالب ده علشان البريوش يبقى ناجح وجميل

رشى صينيه بدقيق وسمنه بطانة الكيكة العادية

وحطى فيه الضفيرة بتاعتنا كدة


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


وتتركى الضفيره فى مكان دافى وتكونى مغطياها بس مش اوى لانها بترتفع لحد متملى القالب خالص وتعلى عن الحافة كمان


[ندعوك للتسجيل في المنتدى أو التعريف بنفسك لمعاينة هذه الصورة]


ولما تتخمر ادهنى الوجه بفرشة بلاش ملعقه علشان متهبطش ببيض ولبن وفانيليا

وده شكلها بعد مخرجت من الفرن مباشرة


[ندعوك للتسجيل في المنتدى أو التعريف بنفسك لمعاينة هذه الصورة]


من قريب


[ندعوك للتسجيل في المنتدى أو التعريف بنفسك لمعاينة هذه الصورة]









[ندعوك للتسجيل في المنتدى أو التعريف بنفسك لمعاينة هذه الصورة]


هنا لما بردت شوية


[ندعوك للتسجيل في المنتدى أو التعريف بنفسك لمعاينة هذه الصورة]


هنا بدات اعمل فيها ثقوب بس بسيطة علشان اسقيها شربات


[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]

ودى ثقبتها من الجنب وحشيتها مربى فراولة انا عملاها بناءا على توصيات اخ متمكن فى المربات

ههههههههههههههه

بس ملحقتش اصورها


[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]

ودى واحدة سادة بعد مقطعتها شرايح ودى تتسقى شربات او يتحط عليها مربى او تتاكل كدة عادى مع الشاى زى متحبوا

[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]



يلا اتفضلوا بالهنا والشفا

[ندعوك للتسجيل في المنتدى أو التعريف بنفسك لمعاينة هذه الصورة]





[ندعوك للتسجيل في المنتدى أو التعريف بنفسك لمعاينة هذه الصورة]





اتمنى تجربوها هو الشرح كتير علشان توصل الفكره بس لكن هى سهله جدا

من وجهة نظرى الجزء الصعب هو عمل الضفيرة اللى باربع اصابع

هى تدوخ بس لما تبداى فيها هتعرفى تعمليها وهتطلع معاكى روعة

وممكن كمان تعمليها ضفيرة بتلات اصابع عادى للمبتدئات فيه

بالهنا والشفا

والى اللقاء فى طبق جديد
















الرجوع الى أعلى الصفحة اذهب الى الأسفل
اوتار الكمان





مُساهمةموضوع: رد: الشيف فيفى تقدم : البريوش    9/5/2011, 21:18

يا متمكن انت

ايه الحاجات الحلوة دى يا فيفى

لا انا هاجى اخد عندك كورس فى الحلويات

بجد والله هلة جدا هجربها ان شاء الله ..

يلا بجملة اللى بعمله .. اجرب دى فيهم مش هنخسر حاجة

هههههههههههههههههههههههه

تسلم ايدك يا عسل
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: الشيف فيفى تقدم : البريوش    10/5/2011, 04:47

فعلا شئ رائع

لانه على الطبيعة

اتعمل واتصور

ناقص الموضوع الرائع دا صورة الشيف وهى لابسة القرطاس الورق دا اللى بنشوفه

على دماغهم فى التليفزيون

تسلم ايدك ياشيف فيفى
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: الشيف فيفى تقدم : البريوش    10/5/2011, 17:37

هههههههههههههههههههههههه

ماشى يا توتى الله يكون فى عونك يا استاذ محمد

بس هتعجبهم والله جربى

ميروووووووو

هههههههههه

المرة الجاية هصورلكم القرطاس من غير الشيف اهى حاجة منى

ههههههههههههههههههههههههههه

نورتم والله وان شاء الله هبقى اعمل لما البنات يكتروا كدة مطبخ للتطبيق وننفذ سوا كل حاجة

ميرسى كتييييييييييير

دمتم بحب
الرجوع الى أعلى الصفحة اذهب الى الأسفل
 
الشيف فيفى تقدم : البريوش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: أقسـام ألاسـرة :: *مطبخـــك سيــدتــــى*-
انتقل الى: