الرئيسيةدخولالتسجيلالتسجيل

شاطر | 
 

 مطعم OFK

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
smoll fefe




مُساهمةموضوع: مطعم OFK   6/6/2011, 14:05

بالبدايه بعطيكم نبذه بسيطه عن المكان



مطعم OFK تابع لنفس الشركه التابعه لها مطاعم b+f Burger Boutique , b+f Road Side Diner , Slider Station

طبعا ال Road Side Diner موجود في مسقط , عمان

و ال Burger Boutique في مجمع الرايه

و ال Slider Station مقابل مجمع الوزراء



مطعم OFK موجود في مجمع 360 في ال Garden Area

وبجانب كافيه كاريبو


حق الي مايدلون اقرب مواقف للمطعم الموجوده مقابل علامه جيان



المطعم مازج خليط من مطاعمه السابقه مع اضافه اطباق جديده

القعده مالت المطعم تحسسكم انكم مو بالكويت و ستايله يونس !!


ابدي بالصور





الذهبي الموجود ورا هذا فرن البيتزا




هني القاعده وراها في شوايه




اول ماتقعدون تبدأ الضيافه خبز و لبنه مع اعشاب وزيت
وصودا تفاح مع قطع تفاح












من اليمين:

الطبق الي مخلص كان عباره عن قطعه لحم اتينن موجوده مع المقبلات اسمها cocola ancho ribs ومافيها عظم وااجد ترفه (انصح فيها واااجد)




السلطه Tokyo salad اهيا سلطه ملفوف نفس الكول سلو بس على ستايل ياباني ذكرتني بالسالمون سالاد مالت ماكي وفيها افوكادو (انصح فيها كتجربه مره اولى فقط ممكن اكلها بعد فتره بس مو على طول بس حلوة)





وبيتزا مارغيريتا .. حلوة ترفه وضعيفه احلى شي و جبنتهم واجد حلوة ( انصح فيها )




La fungi مشروم كبار (حبتين فقط) محشي جبن و فلفل الهاليبينو واااااااااجد حلوهـ (انصح فيه و بقوه لمحبين الماشروم)






الصورتين تقريبا مشابهتين بس الثانيه طالع فيها البيرغر

اول شي بشرح البيرغر

الصغار هذول راح تلاقونهم مع ال Sliders

طلبنا الداينمايت واايد حلوة و سبايسي
والثانيه نسيت اسمها بس فيها البصل المكرمل (سألوهم عنها او اقروا المكونات بالمنيو)

البيرغر الكبيره هذي موجوده مع البيرغر العادي وكل طلب بيرغر تختارون نوع الفرايز الي معاه

وطلبنا كان Duke Burger حلوة وطعمها ذكرني في الوابر مالت بيرغر كنغ شفتوا شلون البيرغر لمن تكون سموكي وتحسون بطعم حراق الشواي جذي طعمها ( مقبوله ) والبطاط المدور (عجييييب)

الطبق الي بالنص



Asian Style SugarCane Shrimp lollipops

عباره عن ربيان ملفوف في شعريه و العصي ملوته قصب سكر و التغميسه مالته سويت شيلي (انصح فيه)

بكذي خلصت جزيئه الاكل

وبرجع اتكلم عن المطعم

المطعم في قعده VIP وتقدرون تحجزونها قبل فتره بس لازم الفاتوره تكون بحدود ال 100 دينار شي من هالقبيل

وهذي صوره القعده



و بالمستقبل ان شاء الله على دخله الشتا بيفتحون قعدات خارجيه








اي نسيت اقولكم الحساب طلع تقريبا 36 دينار

بكذا اكون خلصت بس بذكر جم شغله

المطعم كان يفتح بس للعشا الحين يفتح غدا و عشا من الساعه 1 الى الساعه 11

للحجز 25309990

طبعا الحجز يكون فقط للغرفه ال VIP

اما حجز طاوله عاديه مافي الي ايي اول يدخل اول او اذا زحمه تحطون اسمكم وتنطرون

تقيمي للمطعم A

المعدل للطلب للشخص تقريبا من 10 الى 30 دينار ممكن السعر يقل بس احنا حبينا نجرب اغلب الاشياء فطلع لنا معدل 12 دينار للشخص


و اشياء ممكن اجربها بالمستقبل:

المقبلات

korean wings & drumps
chicken liver
ancho ribs loli pops
Caesar Salad
Southern Fried Fish Popcorn
Tempura
Mozzarella Crunch

الاطباق الرئيسه

Sweet Potato Gnocchi
Green Curry Osso Bucco
Wild Fire Burger
Roma burger
rib-eye Steak
Rack of lamb
Korean BBQ Ribs
Swanky Burger
the beef patty
West Cost Burger
"Romano" Pizza


العصاير

Burnt Wood
Strawberry Blast

السويت

Dates Cheesecake
Banana Popcorn
Tiramisu
Chocolate Brownie Pudding

وفي سويت كيك كاكاو داخله رازبيري بس ما اعرف اسمه


وشكرا لكم


تحياتي
الرجوع الى أعلى الصفحة اذهب الى الأسفل
اوتار الكمان





مُساهمةموضوع: رد: مطعم OFK   7/6/2011, 22:08

خلاص يافوفة خليكى فاكرة المكان عشان نبقى نروح

نفطر فول وطعمية هناك ههههههههههههههههههههههههه

مرسيه ياعسل ع الجولة الممتعة

دمتى
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: مطعم OFK   14/6/2011, 20:54

هههههههههههههههههههه

من عنيه يا عسل

بس فول وطعميه فى مطعم زى ده يكلفنا بتاع 150 قرش كتير

هههههههههههههههههههههه

ميرسى كتير يا قمرى على وجودك المميز

دمتى
الرجوع الى أعلى الصفحة اذهب الى الأسفل
 
مطعم OFK
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: السفر والسياحة :: *منتجعــات وفنـــــادق*-
انتقل الى: