الرئيسيةدخولالتسجيلالتسجيل

شاطر | 
 

 تخزين الالعاب في غرفة المعيشة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
smoll fefe




مُساهمةموضوع: تخزين الالعاب في غرفة المعيشة    20/2/2012, 18:12

[ندعوك للتسجيل في المنتدى أو التعريف بنفسك لمعاينة هذه الصورة]







,







دايما نطمح ونسعى لبيت مرتب ..

خالي من الكركبه ولعب الاطفال ..

وخصوصا ونحنا عاملين لهم غرفة العاب خاصة فيهم !!

بس ياترى هل الالعاب تقعد بس في غرفة العاب ؟!

ام

تتطلع وتتمشي في انحاء البيت .. ؟


خليني احدد ..


تتطلع وتتمشى ورانا فين ما كنا

يعني دايما الاطفال يحبوا يقعدوا مكان في احد وخصوصا مامتهم

ومن المستحيلات يقعد في غرفة لوحده ~

حتي لو كانت مليان العاب ..



طيب ايش يسير !؟


تفضل الام المسكينة راحية جاية .. جاية راحية ~

تودي الالعاب غرفة الاطفال ..

تخاصم هنا .. وتزعق هناك .. " شيلوا يا بزورة العابكم .. لا تخلوها متنتورة في البيت "

وطول النهار على دا الموال ..


وما تفرح ترتب الغرفة .. وتبغي لحظات من السكينة ..



[ندعوك للتسجيل في المنتدى أو التعريف بنفسك لمعاينة هذه الصورة]

بجد انجاز .. رتبت الغرفة ..


~



الا سويعات .. وتتدخل لعبه صغيرة من هنا ..

وتسير الغرفة بدا المنظر ~

[ندعوك للتسجيل في المنتدى أو التعريف بنفسك لمعاينة هذه الصورة]


اعتقد انو الكل حاس بكلامي .. ويقوول ايييوا .. هو ذا اللي يصير !!



طيب ايش الحل ..

ظهرك انكسر من الروحة والجية والترتيب ..


انا اقولك ..

لازم تؤمني ان الالعاب راح تنشر في غرفة الجلسة الحلوة ~

وتدخل كل يوم الغرفة .. مهما حاولتي انك تقصي رجلها ..

وانك ترضي بالواقع وتتعاملي معاه ..

وخصوصا اللي عندهم اطفال كتتير ..


لازم تعبي نفسك وتجهزي روحك ..

بسلات خشب , بسلات كبيرة صغيرة .. بعلب

وتحطيها في غرفة المعيشة ~

عشان الالعاب الي تدخل الجلسة .. تتخزن في الجلسة ~

بدل ما تروحي وتجي .. وتجي وتروحي لغرفة الاطفال ..



طلوا معايا يا امهات .. ويا امهات المستقبل على غرفة الجلسة .. الجميلة والرايقة ~


[ندعوك للتسجيل في المنتدى أو التعريف بنفسك لمعاينة هذه الصورة]


حلوة وبسيطة .. ونعومة ..

وما فيها اي شي مشوه المنظر ~

وتحوي لك انك عمليه وفيها ريحة طفولة .. ومغرية للاطفال ..

[ندعوك للتسجيل في المنتدى أو التعريف بنفسك لمعاينة هذه الصورة]


حتي الخداديات تنطق من الالوان ..

وقطنية ومريحة .. ومافيها خرزات ولا اشياء قابلة للبلع ..

+

اذا اتوسخت بس ترميها في الغسالة . .




شوفوا المفاجاة ,,


[ندعوك للتسجيل في المنتدى أو التعريف بنفسك لمعاينة هذه الصورة]




الكنبة بكبرها .. تنفتح وتقدري تحطي جوتها اغراض ~

ما احد فكر فيها صح .. ولا جى على باله يشتري زي كذا !!


بجد ما نفكر في كيف نخزن اشياءنا .. ولمن نجي نعمل البيت ..

ما تخطر على بالنا .. نحط لها اي اهتمام ..

اهتمامنا شكلي وخارجي وسطحي فقط !!


ما نفكر عميق ..



[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

يعني مو بس للقعدة ..

تفتحي غطى الكرسي .. وترمي في الالعاب المرميه في الارض .. بدل ما تروحي غرفة الاطفال وتضربي مشوار ~



[ندعوك للتسجيل في المنتدى أو التعريف بنفسك لمعاينة هذه الصورة]


حتي الطاولة اللي في نص .. تنفتح ..

هما هنا حاطين مجلات .. ممكن انتي تعبيها العاب ~

وممكن تستفيدي منها لنفسك .. وتحطي فيها اغراضك ..


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


حتي الطاولة تنفتح .. وتقدري تعبي فيها الالعاب ..

افضل انها ما تكون شفافة .. يكون شكلها احلى ~

[ندعوك للتسجيل في المنتدى أو التعريف بنفسك لمعاينة هذه الصورة]



ذي الارفف والبوكس المعلقة جدا عجبتني ..

تنفتح كمان .. وتقدري تحطي فيها العاب اطفالك ..


يعني عندك كذا خيار .. كيف تخزني الالعاب ..

بدل ما تكون مرمية في كل مكان ..

او لمن ما يكون لها مكان اصلا ~






كتير ممكن يقولون انو غرفة المعيشة .. مفروشة .. وكل شي موجود ؟!

يعني مثلا اغير فرش الغرفة كامل ؟

وذا شي مستحيل ..

لكن ممكن تاخدي افكار ..

وتطبقي فكرة وحدة .. مو شرط كل الغرفة تنقلب وتتغير ~


وخصوصا السلات والعلب .. جدا عمليه ..

وتحصلي منها كتتير


[ندعوك للتسجيل في المنتدى أو التعريف بنفسك لمعاينة هذه الصورة]

الكنبات المتحولة ..




[ندعوك للتسجيل في المنتدى أو التعريف بنفسك لمعاينة هذه الصورة]


ذي طاولة الكوفي .. اللي في غرفة الجلسة تنحط ..

بدل الطاولة الخشب او القزاز .. الغير عمليه ..

ويمكن كمان الطفل يتعور بحافتها ..

يعني ذي مقدورة انو الواحد يغيرها ..

في سبيل راحته ..

[ندعوك للتسجيل في المنتدى أو التعريف بنفسك لمعاينة هذه الصورة]



نفس الطاولات الي فوق .. بس هنا عملوها كنبه جانبيه .. ورصوا عليها مخدادات ..

[ندعوك للتسجيل في المنتدى أو التعريف بنفسك لمعاينة هذه الصورة]


يعني اذا ما حابه تغيري طاولة الكوفي ..

ممكن تشتري ذي الطاولة [ الكنبه ] .. وتحطيها على ركن في الغرفة ..

او في الزاويا ..


[ندعوك للتسجيل في المنتدى أو التعريف بنفسك لمعاينة هذه الصورة]


نفس الفكرة .. بس جوا مقسمين ..


اشكآل زيها ~

[ندعوك للتسجيل في المنتدى أو التعريف بنفسك لمعاينة هذه الصورة]





السلات ~

موجود اشكال والوان

واعتقد تقدري تحصلي عليها بسهولة

بس جدا عمليه ..

يعين لا يحتاج تغيري اثاث ولا شي ..

[ندعوك للتسجيل في المنتدى أو التعريف بنفسك لمعاينة هذه الصورة]



وبعدين ترصيها في مكتبة غرفة المعيشة اذا عندك ~

او ممكن تضيفها ..

[ندعوك للتسجيل في المنتدى أو التعريف بنفسك لمعاينة هذه الصورة]



مثلا ..

في الصورة حاطين مكتبة كبيرة ..

وراصين جوتها السلات ..

وحاطين الالعاب داخلها ~


[ندعوك للتسجيل في المنتدى أو التعريف بنفسك لمعاينة هذه الصورة]


بس انا اشوفها تشوه منظر الصالة ..

وتفقد المنظر الجمالي تبعها ..

يعني انا نفسيا .. ما احب اشوفها ظاهرة . .

<<< لنفسي .. مو عشان لو احد دخلها .. او ضيوف جوا عندي

افضل سلات سوداء .. ما تبين ايش جوتها ~




وعشان اغريكم بفكرتي زيادة

ادعمها بالصور ..


وراح تشوفوا الفرق ..


وهنا يطلع حسك بالديكور .. وحسك بالقعدة حقتك كيف تبغيها تكون ~

[ندعوك للتسجيل في المنتدى أو التعريف بنفسك لمعاينة هذه الصورة]


سلات زيها زي الي فوق .. غير شفافة ..

والمنظر فخم ورايق .. وحق غرفة قعدة ..

وما اثرت العاب الاطفال شكليا عليها ~

بس شايفين جوا السلات .. الالعاب ..

شكلها غير ظاهر .. وذا اللي عجبني ..

[ندعوك للتسجيل في المنتدى أو التعريف بنفسك لمعاينة هذه الصورة]



تكيه صغيرة جنب التي في ..

تنفتح .. وتقدري تحطي جوتها الالعاب ..
بس ما تخطر على بال احد ..



[ندعوك للتسجيل في المنتدى أو التعريف بنفسك لمعاينة هذه الصورة]


طيب نفترض ما تقدري تشتري مكتبه جديدة .. وتحطي جوتها السلات ..

تحت طاولة الكوفي .. حطي السلات ..

بدا الشكل ما راح تتكلفي شي ~

وفي النفس لقيتي مكان تخزيني فيه الالعاب ..

[ندعوك للتسجيل في المنتدى أو التعريف بنفسك لمعاينة هذه الصورة]

شكل الكتب حلو .. بس كمان لو تنفتح ..

يعني بصراحة الحركة خنفشاريه ..





سرير البيبي ~

دايما مكانه يكون في غرفة نوم الابوين .. طبعا على حسب مو شرط !!


يعني ما احد يفضل انو البيبي المولود يكون له غرفة لحاله ~

وغرفة النيرسري .. نادرا ما احد يفضلها او يعملها لطفله ..



فما دام سرير البيبي .. مصيره غرفة امه وابوه ..

اهم شي يكون في سبيس للسرير ..

مو شرط يكون فخم وكبير .. وخصوصا لمن تكون الغرفة صغيرة ..


فالتالي راح يكون منظر الغرفة زحمة والتنقل فيها غير مرييح ~



بس انا ابغي اركز على نقطة ال Space !!

واللي كتتير غافلات عنها ~


[ يعني الي عندها مساحة بالغرفة .. تاخذ راحتها ]

مثال ~

[ندعوك للتسجيل في المنتدى أو التعريف بنفسك لمعاينة هذه الصورة]


حلوين كتتير ..واي وحدة يمكن تعجبها ..
طبعا في اشكال تانية كتتيرة .. مو شرط الي اخترتهم


بس اذا كان مساحة الغرفة صغيرة ..

افضل لك انك تختاري شي خفيف وصغير وعملي ..


زي كدا ~


[ندعوك للتسجيل في المنتدى أو التعريف بنفسك لمعاينة هذه الصورة]



صغير وعملي ..

+

ما ياخذ مكان

طبعا ممكن تزينه .. زي ما تحبي ..





[ندعوك للتسجيل في المنتدى أو التعريف بنفسك لمعاينة هذه الصورة]


بس بجد عملي ..

يعني مو شرط المساحة ..

بس السرير متحرك ..

ودا شي ايجابي زيادة عليه ...

يعني ينفع للحالات الطارئة ..



لمن بابا يكون تعبان ومتازم من البيبي وبكاءه اخر اللليل ..

ويكون عندهم دوام ..

وبدل الماما ما تخرج وتتسحب وتاخذ البيبي معاها وتروح غرفة المعيشة

وتحطه على الكنبه الين ما ينام

وتشيل هم اذا شالته يصحى ~

هنا السرير المتحرك تجي فايدته ~


يتنقل في كل انحاء لبيت ..

يعني على قول المثل اثنين في واحد

خفيف وصغير + متحرك




نجي لنقطة تانية ~


فين تحطي ملابس البيبي واشياءه ؟!

اكيد في دولاب .. او دولاب صغير ..

برضوا ارجع انبه انا بتكلم عن الناس اللي ما عندهم مساحة في غرفتهم
[ يعني الي عندهم مساحة خير وبركه ]


فالتالي اذا اشتريتي دولاب صغير ..

منظر الغرفة راح يتشوه + يسير زحمة ..


طيب ايش العمل ؟!



انك تشتري سرير .. ويكون فيه مكان للتخزين .. او ادراج

زي كدا ~

[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


يعني هوا السرير ياخذ مكان + فيه كم درج تحطي فيه اغراض البيبي ..



طيب نفترض انك اشتريتي السرير وادبستي ~


ترجعي تشتري واحد تاني .. ؟؟

طبعا لا ..




عندك كم طريقة تحطي فيها اغراض البيبي .. بدون ما تشتري دولاب جديد ..


[ندعوك للتسجيل في المنتدى أو التعريف بنفسك لمعاينة هذه الصورة]

دوري مكان فاضي في دولابك .. وعلقي عليها دا الشي البيبي الي في الصورة






السلات ..

ممكن تحطيها تحت سرير البيبي ..

[ندعوك للتسجيل في المنتدى أو التعريف بنفسك لمعاينة هذه الصورة]

زي في الصورة .. بس هنا مستخدمة سلات حديد

ما انصح فيها ..

لانها ممكن تدخل الغبرة ...

السلات اللي في فوق .. مبطة بقماش .. ويجي معاها غطى ..



افتراض اخير ~

نفترض انو ما في مكان في دولابك ..

دوري اي مكان في البيت فاضي .. ورصي فيه ملابس البيبي ..


[ندعوك للتسجيل في المنتدى أو التعريف بنفسك لمعاينة هذه الصورة]



شايفين.. اي دولاب ..



[ندعوك للتسجيل في المنتدى أو التعريف بنفسك لمعاينة هذه الصورة]



هنا استفدت من درج الدولاب ..

وممكن تحطي فيها اغراض البيبي .. وملابسه واشياءه ..




اتمني انكم تستفيدوا بالافكار ..

الرجوع الى أعلى الصفحة اذهب الى الأسفل
 
تخزين الالعاب في غرفة المعيشة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: أقسـام ألاسـرة :: *العنـــايــة بالطـــــفـل*-
انتقل الى: