الرئيسيةدخولالتسجيلالتسجيل

شاطر | 
 

 فندق ميسوني الكويت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
smoll fefe




مُساهمةموضوع: فندق ميسوني الكويت    18/3/2012, 15:31

يقع هذا الفندق الـ 5 نجوم ذو التصميم الأنيق في شبه جزيرة السالمية في الكويت ويطل على الخليج العربي، وهو يوفر غرفاً ملونة بديكور أنيق. ويتميز بوجود منتجع صحي بخدمة متكاملة، وخيارات الطعام الذواقة المختلفة.

جميع الغرف مخصصة لغير المدخنين، وتطل على مناظر خلابة للخليج العربي، وتحتوي على ديكور مميز. وتمتاز الغرف بالمرافق الفاخرة مثل محطات شحن الآيبود، وتلفزيونات ذات شاشات مسطحة مع القنوات الفضائية، وآلة صنع الإسبرسو.

المنتجع الصحي الواسع Six Senses Spa الموجود بالفندق يوفر العلاجات المميزة، والتدليك، والعلاجات الآسيوية التقليدية. وهو يتضمن استوديو لليوغا، وساونا، وحمام تركي، وأماكن للاسترخاء.

يمكن للنزلاء التمرن في مركز اللياقة البدنية بأحدث التكنولوجيا. أو بدلاً من ذلك، يمكنهم الغطس في حمام السباحة الخارجي الواسع الذي يطل على الخليج.

يقدم مطعم Cucina المأكولات الإيطالية الأصلية، في حين يقدم مقهى Choco بفندق Missoni Kuwait المشروبات الساخنة والوجبات الخفيفة. ويمتاز بار نادي لونا الحيوي، الذي يقع في الطابق الـ 18، بإطلالة رائعة على الخليج العربي.

يبعد فندق Missoni Kuwait مسافة 2 كم عن الشاطئ ومارينا بارك ويقع على بُعد خطوات من شارع سالم المبارك للتسوق. ويبعد سوق السالمية مسافة 3 كم عن الفندق، ويوفر الفندق مواقف مجانية للسيارات.

المصدر : Booking

• معلومات الفندق •
Symphony Complex, Gulf Road
P O Box 1113, Salmiya 22012
Kuwait

• سعر الليلة للغرفة •
1338 ريال + شامل الافطار

• سعر الليلة للجناح •
2014 - 2419 ريال + شامل الافطار

• خريطة الموقع •



• الكاميرا •
Canon 1000D

• العدسة •
Tokina 11-16mm

النظافة : 10/10 كل شي يلق ويلمع
الجودة : ممتازة .. يكفي انه جديد ويوم أسكنه كان تقريبا له 6 شهور فاتح
الديكور : شي ألييييييييييم ويفتح النفففس ويجيب الصياح بحتسي عنه تحت أزين
السعر : غالي بس الشكوى لله مافيه زين ببلاش ( بالنسبة للي بيجون يهايطون السعر معقول ومدري وشو بكف )
فيه ميزه انهم يعطونك خصم 10٪ اذا خذت 3 ليال
الخدمات : كل شي متوفر .. أهم شي الواي فاي بس شغله الدخول له لازم اسمك في الجواز ومدري وش ماحب المشوار انا .. بس انه حلو وسريع .. وكنت أرطن مع اختي فايبر ولا يقطع << واضح اني أعاني
تلفزيون ويدعم الايبود في الغرفة وفي دورة المياة وانتم بكرامه .. يعني اللي بيتروش يشغل أناشيد المقناص 4 ويوسع صدره لين يقضي
حاطين لنا أنواع القهاوي .. بس تحوم التسبد الله يكرم النعمه .. كلها أمريكي واسبريسو وقهوة سودا ومدري وش ما أدانيها .. أحسن مافي الموضوع .. آلة القهوة توسع الصدر

الفطور طبعاً مجاني مع انه كان كئابه اذا نزلنا .. يعني ماشفت فطور من وإلى اللي قدامك كله مقبلات وفواكه .. واذا تبي شي دسم .. تختاره من المنيو اللي كله عنقليز تطلبه منهم ويصلحونه .. و مافيه الا حنا وواحد هو وزوجته كئيبين مايسولفون ابد ومجموعه شباب واضح انهم تبع شغل ..

عاد مدري وراهم كذا يمكن لأن الوقت كان مب موسم .. أو ان هذا نظامهم أصلا .. الله أعلم .. لكن شغلهم لا بأس فيه
طبعا اللي يبي يفطر بغرفته يجيبونه له .. بس مهب كل الأصناف ببلاش

المواقف عندهم متوفره .. وبشكل كبير
بحكم اني لاحظت أغلب فنادق الكويت يعيبها توفر المواقف

قبل لا أوريكم الصور .. وقدر أعذر من أنذر !
اللي تصوّر وتحب التصوير لا تشوفه
اللي منّتكه وحايمتن تسبدها من غرفتها لاتشوفه
اللي حزينة لاتشوفه
اللي ودها تنحاش لاتشوفه خخخخخخ

اللي ماتفرق معها تنام في الصالة في الغرفة في الملحق في الشارع .. تتوكل ع الله وتنزل تشوفه

الصراحة أنا إنسانة عقلانية وماحب أدرعم على عماها .. بس وأنا أبحث ببوكنق عن فنادق الكويت وأقارن الأسعار وأشوف وش الزين ووش الشين .. شدني هالفندق بشكككل .. ألوانه وتصويرهم وشغلهم يجذب غصب .. ومير يوم أفتحه وأشوف السعر !
خليته ع جنب ورحت أدور غيره .. قلت يمكن ألقى شي ينسيني غرامه
بس ماااااااااش أروح وأروح وأرجع ع وجهي له

توكلنا ع الله وحجزت فيه 3 ليال ( و السعر ببوكنق وعندهم نفسه )

أحلى شي يميزه
اطلالة جميع الغرف ع البحر
الألوان فيه ترد الرووووح واللي خلاني أجزم بالحجز عندهم .. اني نادر بألقى فنادق نفس شغلهم وديكوراتهم .. والعمر واحد والفلوس تجي وتروح هماه
وأنا انسانه لو أسافر وأسكن بخندليس أحس اني ماسافرت << ارحميناااا
فعشان كذا صايره أدلع رويحتي

حنا حجزنا كان ع غرفة بالدور الخامس أتوقع .. بس ماش ماجاز لي الوضع .. أبي وأنا متبطحه في السرير أشوف أقصى البحر .. نزلنا لهم وقلنالهم نبي أعلى دوووور حطونا في الدور 16 وفوقنا أتوقع دور أو دورين بس شكلهم مليانات

بيني وبينكم .. هالفندق زينته يجيني انتداب ع حساب الشغل لمده شهر .. ويسكننوني هناك وفي جناح مب غرفة والله ياهووو فله بد

المهم ماعلينا
دندرت فوق روسكم .. مع اني داريه كثر الدندره والتمديح بيخليكم تشوفون الفندق يحوم التسبد بس عاد بكيفكم أنتم الخسرانين ان ماجاز لكم خخخخخخ







سيمفوني .. مجمع جالسين يشتغلون فيه
مدخله مع مدخل الفندق بس كل واحد له باب < شرح هنود

الاستقبال











حقت تكيه نت وفله









يالله رقينا فوق




لو أحط لي مطرحه هنا راضيه خخخخخخخخخخخخخخ











مدخل الغرفة













































دورة المياة وانتم بكرامه













الدش اللي فوق ماطلع
بس والله ياهو فللللله
مانيب بدو طاحت بمريس






بالنسبة للمناشف .. ترى بعض الغرف يعطونهم مناشف وأرواب ملونه تفتح النفففففس .. الا حنا ماعطونا
عاد تحسبوني سكت ؟
معاذ الله ..
وحنا نازلين مريتهم قلت أبي المناشف الملونة اللي حاطينها بموقعكم
تسكتونا بهالأبيض وحنا دافعين بذيك القيمة
قالتلي الملونة ماتنحط الا بالسويت .. قلت طيب أبي جيبولي منها << يحلفون اني ماسكنت فيه الا عشانها
قالت خلصوا .. تبين تشترين منها ؟
عاد كني بهم يبيعونها بخمسميه بالراحه

Room in the evening










Photos Diverse
















ملحححه والله شاريته من المركز العلمي عاد لازم نطق له صوره معهم









نجي الحين للمطعم وحقيقة ماجربت شي عندهم غير الفطور ( بلاه ببلاش الله يعافيتس )
ولا عاد بخلي برج الحمام وفريج صويلح وأغامر بأكلهم ؟





















أهم شي في الفطور







هنا أنا أغدي كشنننننننننننننه



لذييييييذ بس ماحبه مع الفطور أحسه جو لحاله <











الحمد لله .. الله يديمها من نعمه ولا يغير علينا
الكافي حقهم رومانتك تميلح وأحسه يصلح جمعات بنات ومهايط وكذا






















جوله متعبه شوي في الأدوار .. ونشوف المستخبي
كل شي مريته الا شي واحد ودي أرجع الكويت بس عشان أشوفه خخخخخخ
لأن صوره بالنت خرااااافيه
هو في الدور مدري كم .. لكنه بالأدوار العالية .. واسمه لونا ، ياهو تابع لشركه لونا يامدري وش اصله لكن فكرته أتوقع كافي أو مطعم واطلالته ع البحر من فوق وجلسات خارجية شي أليم
يالله .. ان شاء الله ان مرينا الكويت يوما من الدهر رحنا له

الدور اللي بتشوفونه شكله حقين الدورات ورجال الأعمال وحريم الأعمال زيي
أغلبه قاعات وأجهزه ونت وكافي وتوابعهم









فريرررررررره
كشخه صح خخخخخ









الله يهديهم مانادوني أحضر معهم هالدورة
طيب أنا جالسة 3 أيام وهي ثلاث أيام ليش ماعطوني خبر
طيب يعطوني شهادة مهب لازم أحضر
<< موظفة حكومية خخخخخخخخخخخخخخخ





خاص بالبيبي



قاعة زواجات أو اجتماعات ، المهم انها وش كبرها .. ولها قسم خاص و باب يتسكر عن مشافيح الفندق





اللي بتحط عرسها فيه تعزمني أحسه فله

المسبح
كان صيانه يوم نروح













قبل لانطلع من الفندق قلنا لهم نبي نشوف الجناح .. منها نشوفه ومنها أصوره لكم

ع فكره .. الغرف عندهم مختلفة شوي .. لأن هنا مثلا فيه بانيو ، لكن غرفتنا مافيها .. نفس الشي عندهم جناح فيه بانيو شكله فله لكن للأسف ماشفته
وغرف بعد فيها مناشف ملونه << بلوك خخخخخخخخخخخخخ





في نهاية التقرير كالعادة أتمنى انه جاز لكم ..
---------------------------

منقووووووووول


إن شآآء الله اعجبكـُم المـووضوع ,,
الرجوع الى أعلى الصفحة اذهب الى الأسفل
 
فندق ميسوني الكويت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: السفر والسياحة :: *منتجعــات وفنـــــادق*-
انتقل الى: