الرئيسيةدخولالتسجيلالتسجيل

شاطر | 
 

 الفطير باللحمه وفطير بالجبنه ولا احلى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
smoll fefe




مُساهمةموضوع: الفطير باللحمه وفطير بالجبنه ولا احلى    12/1/2013, 15:57

الفطير باللحمه وفطير بالجبنه ولا احلى فطاطرى من مطبخى وبالصور


هقدم لكم الفطير باللحمه المفرومه
والفطير بالجبنه سخن من الفرن اليكم
مباشره ههههههه بس مش مسؤله عن
الى هيحصلكم لما تشوفوه وتدوقوه
انتم احرار بقى هههههههههه
يلا بلاش رغى ندخل فى الموضوع علطول
اولا العجينه بتاعه الفطير المشلتت ده
هى هى ممكن تتعمل فطير مشلتت ساده
وممكن تتحشى زى الى عملتها انهارده
وممكن تتعمل زى البيتزا البلدى
الى بنشوفها عند الفطاطرى وده بيبقى زياده انك تحطى اضافه عليها من فوق
يعنى الحشوة بتبقى من بره وجوه


المقادير
بصى العجينه ده بنسميها عجينه صايمه
يعنى عباره عن
دقيق وماء فقط
من غير اى اضافه بعنى ولا زيت ولا خميرة ولا بيكنج بودر
انا استعملت كيلو دقيق
بيديكى فطيرتين كبار
ذرة ملح
ماء للعجن حسب الدقيق ما ياخد
وده اضافه من عندى معلقه محسن خبز
زيت ذرة بس ده مش للعجينه ده علشان التوريق
وممكن سمن بلدى طبعا
او زيت على سمن زى ما انتى عاوزة


الطريقه
بنحط كل المكونات مع بعض
وبنعجن كويس اووووووى بالماء
لغايه ما نحصل على عجينه متماسكه
بس مش ناشفه اوووووى
يعنى ممكن تلاقيها بتلزق بسيط فى ايدك
وتعجنى وده اهم نقطه كويس ييجى ربع ساعه وده بيخلى العجينه يبقى كويسه وانتى بتفرديها ومش تتقطع منك
وبعدين هيبقى عندك عجينه ناعمه ومتماسكه تقسميها نصفين
وكل نصف تقسمييه على 6 قطع
متساويين بالسكينه وبالتقريب كده
وبعدين تحطى عليهم زيت كويس اوووووى من فوق وتحت
وتسيبيهم يرتاحوا وده اهم نقطه لازم
العجينه ترتاح على الاقل ساعه
علشان تتفرد معاكى بسهوله
بعد كده هنجيب جزء من العجينه بعد ما ارتاحت ونفرش الرخامه بالزيت
ونفرد العينه بالنشابه او بالايد هتلاقيها بتمشى معاكى كويس اوووى
زى اللبان كده ومش بتتقطع
وحتى لو اتقطعت منك متخافيش مش مشكله لانها مش هتبان


الحشوة
انا عملت واحده بالحمه المفرومه
والفلفل الرومى المقطع والزيتون
والتانيه عملتها
جبنه بيضاء زجبنه فلامنك
وجنبه مثلثات ولانشون متقطع
وفلفل رومى
وطبعا ممكن اى حشوة تعجبك تونه
بسطرمه سوسيس سجق
اى حاجه بتحبيها


وعلى فكره نفس الطريقه من غير حشو
هتكلى احلى فطير مشلتت فلاحى وتحدى
هههههههههههه


والصور هتبين لك الخطوات اكتر
اول حاجه فردت جزء من العجينه
وطبقته مربع وبعدين فردت جزء تانى
وحطيت الاولانى جوه التانى كده

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين حطيت الحشو وكررت العمليه تانى

[ندعوك للتسجيل في المنتدى أو التعريف بنفسك لمعاينة هذه الصورة]

وهكذا لغايه ما نخلص الست اجزاء
وده شكلها بعد ما خلصنا


[ندعوك للتسجيل في المنتدى أو التعريف بنفسك لمعاينة هذه الصورة]

وده التانيه الى بالجبنه
اول راق حطيت الجبنه لوحدها

[ندعوك للتسجيل في المنتدى أو التعريف بنفسك لمعاينة هذه الصورة]

والتانيه حطيت اللانشون الفلفل والجبنه الفلامنك

[ندعوك للتسجيل في المنتدى أو التعريف بنفسك لمعاينة هذه الصورة]

وكررت العمليه لغايه ما خلصت الست راقات كلها

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

وكده حطيتها فى الصينيه

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين تفرديها بايدك على اد الصينيه كده

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]


وبعدين دخلتها الفرن الساخن جدا وشغل من فوق وتحت وده شكلها لما استوت

[ندعوك للتسجيل في المنتدى أو التعريف بنفسك لمعاينة هذه الصورة]

وده بعد لما اقطعتها

[ندعوك للتسجيل في المنتدى أو التعريف بنفسك لمعاينة هذه الصورة]


هاه ايه رأيكم

منقول
الرجوع الى أعلى الصفحة اذهب الى الأسفل
 
الفطير باللحمه وفطير بالجبنه ولا احلى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: أقسـام ألاسـرة :: *مطبخـــك سيــدتــــى*-
انتقل الى: