منتديات نسمة الحياة

 
الرئيسيةدخولالتسجيلالتسجيل

شاطر | 
 

 طريقة عمل الجمبري بالخلطة السحرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نسمة الياسمين





مُساهمةموضوع: طريقة عمل الجمبري بالخلطة السحرية   27/6/2009, 16:28

طريقة عمل الجمبرى بالخلطة السحرية

[ندعوك للتسجيل في المنتدى أو التعريف بنفسك لمعاينة هذه الصورة]

المقادير :






كيلو جمبري وسط كبير لو عايزة جامبو مافيش مانع يعني


بصلة كبيرة مقطعة معكبات صغيييرة


طماطم كبيرة مقطعة مكعبات صغييييرة


فلفل رومي كبيرة مقطعة مكعبات صغيييرة


ملعقة صغيرة ثوم مهروس


ملح


فلفل


نصف ملعقة صغيرة كمون


اقل من نصف ملعقة صغيرة زعتر


اقل من ربع كوب خل


عصير ليمونة


شوية زيت










الطريقة:


انا هقولكم بالمرة علي طريقة تنضيف الجمبري علشان كنت بضًيًع نصف الجمبرياية في التنضيف


المفروض انت بتقولي للراجل ينظفلك ضهر الجمبري






طيب لو ما نظفهوش






زي الشاطرة كده تجيي الجمبري من ظهره و بمقص صغير تقصي القشر من الراس للذيل

(ماتقصيش الذيل طبعا)

[ندعوك للتسجيل في المنتدى أو التعريف بنفسك لمعاينة هذه الصورة]

و تشرطي شرطة بالسكين بالراحة في مكان االعمود الفقري بتاع الجمبري في لحم الجمبري نفسه

(طبعا هو مالوش عمود فقري بس انا بحاول اوضحلك الصورة)


[ندعوك للتسجيل في المنتدى أو التعريف بنفسك لمعاينة هذه الصورة]

هتلاقي زي عرق كده هو ده امعاء الجمبري


شيلية طبعا

[ندعوك للتسجيل في المنتدى أو التعريف بنفسك لمعاينة هذه الصورة]
عايزة افكركم اني ماشلتش الراس
(علشان الست اللي في الصور شالتها)




هتلاقي في راس الجمبري مادة كده لونها اصفر او برتقالي

اوووعي تشيليها


بيقولوا عليها البطروخ بتاع الجمبري و هي اللي فيها الفايدة كلها



بس كده خلاص


و تنقعي الجمبري في ماية فيها دقيق و ملح و ليمون

(بس كتري الليمون)


و تسيبيه شوي علشان الزفارة
(10 دقائق مثلا)





انا كده ماقشرتش الجمبري


الصينية ديه بتكون احلي كده






طبعا ممكن تستخدمي المقشر مافيش مشكلة


نحط كل الحاجات الحلوة اللي عملناها في المقادير ديه مع الجمبري في صينية او طاسة كبيرة و نقلب كويس


و نحطها علي البوتاجاز من فوق

(مش محتاج فرن لانه مش بيخد وقت)






و تغطيها و كل فترة تقلبي






هينزل مايته كلها و بعدين يشربها و كده خلاص نكون خلصنا






التسوية مابتكملش ربع ساعة






ممكن طبعا يتاكل كده من الصينية


يمكن عمل رز ابيض بجانبه


و احط منه علي الرز و شوية صوص و الرز يكون طعمه تححححفة






ممكن من غير رز خااالص و جنبه سلطات و خلاص






و بالهنا و الشفا




ملحوظة صغننة علي جنب
ممكن لو عايزاه مشوي
يبقي الخلطة ديه ممكن نستخدمها كتتبيلة
تسيبيه فيها نصف ساعة مثلا و بعدين تشوحيه في طاسة علي النار
وبالهنا والشفا
الرجوع الى أعلى الصفحة اذهب الى الأسفل
نسمة الامل





مُساهمةموضوع: رد: طريقة عمل الجمبري بالخلطة السحرية   27/6/2009, 22:25

مشكووووووووووووووورة حبيبتي نسمة على الطبخة اللذيذة دي

[ندعوك للتسجيل في المنتدى أو التعريف بنفسك لمعاينة هذه الصورة]


تقبلي تحياتي
الرجوع الى أعلى الصفحة اذهب الى الأسفل
نسمة الياسمين





مُساهمةموضوع: رد: طريقة عمل الجمبري بالخلطة السحرية   27/6/2009, 22:36

عمايل ايديا وحيات عينيا

تسلميلي يا قمر

يالا بقى خلصوا اكل عشان اجيب اللي بعدوا
الرجوع الى أعلى الصفحة اذهب الى الأسفل
ألامــــير




مُساهمةموضوع: رد: طريقة عمل الجمبري بالخلطة السحرية   28/6/2009, 01:11

تسلم الايادى

انا طبعا لقيت المطبخ مليان

بس اخترت اللى بحبه

ماشاء الله


اسمى تقدير واطيب تحية

اقدمهما لكى مع طبق جمبرى
الرجوع الى أعلى الصفحة اذهب الى الأسفل
لافندرا




مُساهمةموضوع: رد: طريقة عمل الجمبري بالخلطة السحرية   28/6/2009, 01:19


جمبرى من اولها كده

ههههههههههههههههه

عن نفسى بحبه جدااااااااااااااا بس بحبه مقلى

تسلم الايادى ياقمر

مع خالص تحياتى وتقديرى
الرجوع الى أعلى الصفحة اذهب الى الأسفل
smoll fefe




مُساهمةموضوع: رد: طريقة عمل الجمبري بالخلطة السحرية   28/6/2009, 12:21

خلينا فى الوسط جامبو ايه ده الكليو بكتير اوى

ههههههههههههههههههههههههههههههههه

اقولك انتى اعملى واعزمينى

ههههههههههههههههههههههه

يسلموو سوسو

لا عدمنا جديدك يارب

تحياتى
الرجوع الى أعلى الصفحة اذهب الى الأسفل
نسمة الياسمين





مُساهمةموضوع: رد: طريقة عمل الجمبري بالخلطة السحرية   28/6/2009, 12:29

ميرسي يا امير على ردك الجميل ده

وان شاء الله المرة اللي جاية هاعمله مقلي يا مانو

وانا موافقة اعمله واعزمكوا بس تيجوا يا فيفي
الرجوع الى أعلى الصفحة اذهب الى الأسفل
 
طريقة عمل الجمبري بالخلطة السحرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسمة الحياة :: أقسـام ألاسـرة :: *مطبخـــك سيــدتــــى*-
انتقل الى: